Jach kʼaʼabéet fe tiʼ máak utiaʼal u bin áantaj táanxel tuʼux (Heb 11:8-10). Wa taak a bin áantaj wa tuʼuxeʼ tʼaanen yéetel le ancianoʼob yanoʼob ta múuchʼuliloʼ. ¿Baʼax jeʼel u yáantkech a wil wa maʼalob le meta yaantechoʼ bey xan le tuʼux taak a binoʼ? Jeʼel u páajtal a xakʼaltik le publicaciónoʼob ku tʼaanoʼob tiʼ leloʼ. Jeʼel xan u páajtal a tsikbal yéetel le máaxoʼob tsʼoʼok u binoʼob áantaj táanxel tuʼuxoʼ yéetel tsʼoʼok u bin utsil tiʼob (Pr 15:22). Kʼáat xan tiʼ Jéeoba ka u yáantech (Snt 1:5). Investigart jujunpʼéel baʼaloʼob yoʼolal le lugar tuʼux taak a binoʼ. Wa ku páajtaleʼ antes a chʼaʼtuklik a bineʼ xeen a wil bixi.

KÉEN TSʼOʼOKOK A CHAʼANTIK LE VIDEO OOKKECH YÉETEL FE TEʼ JOONAJ TSʼOʼOK U JEʼEBELTECHOʼ: XEEN TUʼUX MAAS KʼAʼABÉET ÁANTAJ, NÚUK LE KʼÁATCHIʼOBAʼ:

• ¿Baʼaxoʼob tu aktáantaj Gabriel, yéetel baʼax áante?