Tu mesil septiembreeʼ yaan k-ilik k-tsʼáaik xook tiʼ le bukaʼaj máakoʼob ku páajtaleʼ. Utiaʼal lelaʼ yaan u meyajtoʼon le folleto Disfrutart le kuxtaloʼ. Teʼ mesoʼ le máax u kʼáat u beet u precursor auxiliarileʼ jeʼel u páajtal u kʼubik 30 horaseʼ. ¿Bix kun úuchul kʼaʼaytaj teʼ campañaoʼ?

• Teʼ kʼaʼaytajoʼ. Meyajnaktech le página 16 utiaʼal ka taakak u kaanbal u yuumil najoʼ yéetel ilawil a weʼesiktiʼ bix u tsʼaʼabal xook yéetel le Bibliaoʼ. Eʼes xan tiʼ a revisitaʼob bey xan tiʼ le máaxoʼob tsʼoʼok u máan kʼiin kʼaʼaytajnakechoʼ. Kex úuchjeakil maʼ tu yóotoʼob xookeʼ maʼ xaaneʼ jeʼel u yóotkoʼob yéetel le túumben folleto le kéen u yiloʼob bix u tsʼaʼabal xook beoraaʼ. Le folletoaʼ maʼ kun pʼatbil teʼ najoʼob tuʼux mix máak yanoʼ mix kun túuxtbil tiʼ cartaʼob tiʼ le máaxoʼob tsʼoʼok u yeʼeskoʼob maʼ taak u kaanbaloʼoboʼ. Le Comité tiʼ Servicio tiʼ le Múuchʼuliloʼ jeʼel u páajtal u programartik uláakʼ kʼiinoʼob utiaʼal u yúuchul kʼaʼaytaj tu mesil septiembreeʼ.

• Tuláakʼ súutukiloʼob. Wa le múuchʼulil ku kʼaʼaytaj yéetel le carritoʼoboʼ jeʼel u páajtal u kʼaʼaytaʼal le folleto Disfrutart le kuxtaloʼ. Wa juntúul máak uts tu yich le folletooʼ, aʼaltiʼ jeʼel u páajtal u tsʼaʼabal xook tiʼ gratis yéetel le Bibliaoʼ. Jeʼel u páajtal a tsoliktiʼ bix u tsʼaʼabal le xookoʼ wa jeʼel u páajtal a kʼáatiktiʼ baʼax kʼiin uts tu tʼaan ka a tsoltiʼeʼ. Le superintendente tiʼ serviciooʼ jeʼel u páajtal u yaʼalik tiʼ le sukuʼunoʼob noʼojaʼanoʼob ka xiʼikoʼob teʼ negocioʼob yaan teʼ territorio utiaʼal u yilkoʼob wa yaan máax u kʼáat ka tsʼaʼabak xook tiʼoʼ. Le kéen kʼaʼaytajnakech xan tiʼ a wéet meyaj wa tiʼ jeʼel máaxakeʼ aʼaltiʼ jeʼel a tsʼáaik xook tiʼ yéetel le Bibliaoʼ.

Jesúseʼ tu yaʼalaj ka k-beet discípuloʼob yéetel ka k-kaʼansoʼob (Mt 28:19, 20). Jach k-tsʼíiboltikeʼ le campaña yéetel le folleto Disfrutart le kuxtaloʼ ka u yáantoʼon k-tsʼoʼokbes le meyaj tu kʼubéentajtoʼonoʼ.