Le Bibliaoʼ ku tʼaan tiʼ yaʼab oraciónoʼob núukaʼab tumen Jéeoba. Le máaxoʼob meyajt Diosoʼ tu yiloʼob bix u preocuparkuba Jéeoba tu yoʼolaloʼob bey xan bix u yáantaʼaloʼob yéetel le problemas yaantiʼoboʼ, le oʼolal muʼukʼaʼanchaj u fejoʼob. Le oʼolaleʼ le kéen orarnakoʼoneʼ maʼalob ka k-aʼal tiʼ Jéeoba jach baʼax k-kʼáat ka u beet t-oʼolal yéetel ka k-il bix u béeytal. Chéen baʼaleʼ kʼaʼajaktoʼoneʼ Jéeobaeʼ jeʼel u núukik k-oración junpʼéel bix maʼ táan k-páaʼtikeʼ wa hasta jeʼel u beetik maas tiʼ le k-kʼáatiktiʼoʼ (2Co 12:7-9; Ef 3:20). Koʼoneʼex ilik jujunpʼéel bix u núukik k-oración Jéeoba.

• Ku tsʼáaiktoʼon u muukʼil k-aguantartik le baʼax ku yúuchultoʼonoʼ yéetel ku muʼukʼaʼankúuntik k-fe (Flp 4:13).

• Ku tsʼáaiktoʼon naʼat utiaʼal k-chʼaʼik maʼalob decisiónoʼob (Snt 1:5).

• Ku tsʼáaiktoʼon u tsʼíibolalil yéetel u páajtalil k-beetik baʼax kʼaʼabéet (Flp 2:13).

• Ku tsʼáaiktoʼon jeetsʼelil (Flp 4:6, 7).

• Ku péeksik uláakʼ máakoʼob utiaʼal u yáantkoʼonoʼob (1Jn 3:17, 18).

• Ku yáantik le máaxoʼob k-orar tu yoʼolaloʼoboʼ (Hch 12:5, 11).

CHAʼANT LE VIDEO JÉEOBAEʼ KU CHʼENXIKINTIK LE ORACIÓNOʼOBOʼ, TSʼOʼOLEʼ NÚUK LE KʼÁATCHIʼOBAʼ:

• ¿Bix u líiʼsik u yóol le máaxoʼob kʼojaʼanoʼob u experiencia le sukuʼun Shimizuoʼ?

• ¿Bix jeʼel k-beetik jeʼex le sukuʼun Shimizuoʼ?