K-tsʼáaik metas utiaʼal k-maas meyajtik Jéeobaeʼ ku yáantkoʼon utiaʼal k-aprovechartik maʼalob k-muukʼ yéetel k-tiempo táanil tiʼ u taal le xuʼulsajiloʼ (1Co 9:26; Ef 5:15, 16). Le oʼolaleʼ maʼalob ka k-xakʼalt teʼ adoración ich familia baʼax metasil jeʼel u páajtal k-tsʼáaik teʼ túumben año de servicioaʼ, le año de serviciooʼ ku káajal 1 tiʼ septiembre yéetel ku tsʼoʼokol 31 tiʼ agosto tuláakʼ año. Le U juʼunil xookaʼ ku taasik jujunpʼéel xookoʼob ku tʼaanoʼob tiʼ le metas jeʼel u páajtal k-tsʼáaik ichil k-kuxtal ken tsʼoʼokok k-orar tiʼ Jéeobaoʼ (Snt 1:5).

Maʼ xaaneʼ jeʼel u páajtal k-áantik juntúul wa máax ichil k-familia utiaʼal ka u beet u precursor regularileʼ. Wa teech ka tuklik maʼ tu páajtal a chupik a tiempoeʼ maʼalob ka tʼaanakech yéetel uláakʼ precursoroʼob jeʼel u yáantkechoʼob a wil baʼax jeʼel u páajtal a beetkeʼ (Pr 15:22). Maʼ xaaneʼ teʼ adoración ich familiaoʼ jeʼel u páajtal a kʼáatik tiʼ juntúul precursor bix u chupik u tiempoeʼ yéetel a tsʼíibtik bey baʼax kʼiiniloʼob jeʼel u páajtal a kʼaʼaytaj techeʼ. Wa a yáax beetmaj a precursorileʼ, ¿baʼaxten maʼ ta wilik wa jeʼel u páajtal a kaʼa beetkeʼ?

¿Yaan wa máax ichil a familia jeʼel u páajtal u beetik u precursor auxiliaril junpʼéel mes wa maaseʼ? Wa ka wuʼuyik maʼ tu páajtal a kʼaʼaytaj yaʼab tiempo tiʼ junpʼéel kʼiineʼ jeʼel u páajtal a kʼaʼaytaj jun chan súutuk sáamsamaleʼ. Wa minaʼan xan tech yaʼab tiempo yoʼolal a meyaj wa tumen ka bin xookeʼ, maʼ xaaneʼ jeʼel a beetik a precursoril tiʼ junpʼéel mes yaan fechaʼob minaʼan xook wa meyajeʼ bey xan tiʼ le mesoʼob ku taasik cinco fines de semanaoʼ. Marcart ta calendario le mesoʼob a kʼáat a beet a precursor auxiliariloʼ yéetel tsʼíibt le kʼiinoʼob yéetel le horaʼob kan kʼaʼaytajoʼ (Pr 21:5).

KÉEN TSʼOʼOKOK A CHAʼANTIK LE VIDEO MAʼ UNAJ U SAJAKTAL LE PRECURSOROʼOBOʼ, NÚUK LE KʼÁATCHIʼOBAʼ:

• ¿Bix kanáantaʼabik le kiik Aamand tumen Jéeobaoʼ? ¿Baʼax k-kanik tiʼ le baʼax úuchtiʼoʼ?