Jéeobaeʼ u kʼáat ka kiʼimakchajak u yóol le familiaʼoboʼ (Sl 127:3-5; Ec 9:9; 11:9). Chéen baʼaleʼ yaan horaeʼ jeʼel u talamtaleʼ tumen ku estresar máak wa ku beetik baʼax maʼ maʼalobiʼ. ¿Baʼax unaj k-beetik cada juntúul ichil le familia utiaʼal u yantal kiʼimak oʼolaloʼ?

Le íichamtsiloʼ unaj u chʼaʼik en cuenta bix u yuʼubikuba u yatan (1Pe 3:7). Kʼaʼabéet u máansik tiempo tu yéetel, u chʼaʼik en cuenta baʼax ku páajtal u beetik yéetel u tsʼáaik u graciasil tiʼ yoʼolal tuláakal le baʼax ku beetik yoʼolal le familiaoʼ (Col 3:15). Tsʼoʼoleʼ kʼaʼabéet u yeʼesiktiʼ jach u yaabiltmaj yéetel u tʼaan maʼalob tu yoʼolal (Pr 31:28, 31).

Le atantsiloʼ kʼaʼabéet u yilik u yáantik u yíicham (Pr 31:12). Kʼaʼabéet xan u tsʼáaikuba yáanal u páajtalil (Col 3:18). U tʼanik yéetel yaabilaj yéetel u tʼaan maʼalob tu yoʼolal (Pr 31:26).

Le taatatsiloʼoboʼ kʼaʼabéet u máanskoʼob tiempo yéetel u paalaloʼob (Dt 6:6, 7). Kʼaʼabéet u yaʼalikoʼob tiʼob bukaʼaj u yaabiltmiloʼob (Mt 3:17). Tsʼoʼoleʼ kéen u tsolnuʼuktoʼobeʼ mantatsʼ kʼaʼabéet u beetkoʼob yéetel yaabilaj (Ef 6:4).

Le paalaloʼoboʼ kʼaʼabéet u yuʼubikoʼob tʼaan yéetel u respetarkoʼob u taataʼob (Pr 23:22). Kʼaʼabéet u yaʼalikoʼobtiʼob baʼax ku tuklikoʼob yéetel bix u yuʼubikubaʼob. Tsʼoʼoleʼ kʼaʼabéet xan u kʼamkoʼob le tsolnuʼuk ku tsʼaʼabaltiʼoboʼ (Pr 19:20).

KÉEN TSʼOʼOKOK A CHAʼANTIK LE VIDEO JEʼEL U KIʼIMAKTAL A WÓOL ICHIL A FAMILIAEʼ, NÚUK LE KʼÁATCHIʼOBAʼ:

¿Baʼax tu beetaj cada juntúul ichil le familia utiaʼal ka yanak kiʼimak óolal tiʼoboʼ?