Le metas k-tsʼáaik ichil k-kuxtaloʼ ku kiʼimakkúuntik u yóol Jéeoba yéetel ku yáantkoʼon utiaʼal k-maas meyajtik. Tsʼoʼoleʼ ku beetik u yiijchajal k-tuukul (1Ti 4:15). Cada wa baʼax kʼiineʼ maʼalob ka tuukulnakoʼon tiʼ le metas yaantoʼonoʼ tumen jeʼel u kʼexpajal k-kuxtaleʼ. Yoʼolal leloʼ jeʼel u kʼaʼabéettal k-kʼexik wa baʼax metail yaantoʼoneʼ wa k-tsʼáaik ichil k-kuxtal uláakʼ meta tumen t-tsʼoʼokbesaj le yaantoʼon kaʼachoʼ.

Tu káajbal u añoil servicioeʼ maʼalob ka k-il baʼax metasil yaantoʼon. Teʼ adoración ich familiaoʼ jeʼel u páajtal u tsikbaltik cada juntúul baʼax metail taak u tsʼáaik ichil u kuxtaleʼ yéetel baʼax metail jeʼel a múul tsʼáaikeʼex bey familiaeʼ.

Tiʼ le metas ku yaʼalaʼalaʼ, ¿máakalmáak taak a tsʼáaik ichil a kuxtaliʼ, yéetel baʼax jeʼel a beetik utiaʼal a tsʼoʼokbeskoʼobeʼ?