KUXLAKOʼON JEʼEX CRISTOEʼ
Jach jóoʼs u yutsil le xakʼalxookoʼ
BAʼAXTEN KʼAʼANAʼAN: Le xakʼalxookoʼ ku yáantkoʼon k-naʼat «bukaʼaj u kóochil, u chowakil, u kaʼanlil yéetel u taamil» le jaajoʼ (Ef 3:18). Kex kuxaʼanoʼon tiʼ junpʼéel kʼasaʼan yóokʼol kaabeʼ, le xakʼalxookoʼ ku yáantkoʼon k-bis junpʼéel toj kuxtal tu táan Dios. Tsʼoʼoleʼ ku yáantkoʼon xan utiaʼal ‹k-machikba tubeel tiʼ u tʼaanil le kuxtaloʼ› (Flp 2:15, 16). Kéen xakʼalxooknakoʼoneʼ jeʼel u páajtal k-yéeyik le baʼax maas jeʼel u yáantkoʼonoʼ. ¿Bix jeʼel k-maas jóoʼsik u yutsil le xakʼalxook k-beetkoʼ?
BIX JEʼEL A BEETKEʼ:
-
Teʼ Biblia ku meyajtech utiaʼal a xakʼalxookoʼ (wa le yaan ta celular wa ta tabletoʼ), marcart jujunpʼéel versiculoʼobiʼ yéetel tsʼíibt baʼaxoʼob jeʼel u meyajtecheʼ
-
Le táan a xakʼalxookoʼ tuukulnen tiʼ le kʼáatchiʼobaʼ ¿máaxiʼ?, ¿baʼaxiʼ?, ¿tuʼuxiʼ?, ¿baʼax kʼiin ka úuchi?, ¿bix úuchik? yéetel ¿baʼaxten?
-
Kaxt versiculoʼob bey xan tʼaanoʼob jeʼel u yáantkechoʼob a maas naʼat le baʼax ka xokikoʼ
-
Ilawil bix jeʼel u yáantkech le baʼax ka xokikoʼ
-
Tsʼáa ichil a kuxtal le baʼax ka kanikoʼ (Lu 6:47, 48)
KÉEN TSʼOʼOKOK A CHAʼANTIK LE VIDEO LE XAKʼALXOOKOʼ KU YÁANTKOʼON K-MAAS YAABILT U TʼAAN DIOS, NÚUK LE KʼÁATCHIʼOBAʼ:
-
¿Baʼax ku yaʼalik jujuntúul sukuʼunoʼob yoʼolal le xakʼalxookoʼ?
-
¿Baʼaxten unaj k-orar táanil tiʼ k-xakʼalxook?
-
¿Baʼax unaj k-beetik utiaʼal k-maas naʼatik le baʼax k-xokikoʼ?
-
¿Bey baʼax marcailoʼob jeʼel u páajtal k-tsʼáaik teʼ Biblia ku meyajtoʼon utiaʼal k-xakʼalxookoʼ?
-
¿Baʼaxten unaj k-tuukul tiʼ le baʼaxoʼob k-kanik teʼ Bibliaoʼ?
-
¿Baʼax unaj k-beetik yéetel le baʼaxoʼob k-kanikoʼ?