¿Baʼaxten unaj k-yéeyik tubeel bix k-náaysik k-óol? Tumen kéen k-yéey junpʼéel película, junpʼéel paax, junpʼéel sitio ich Internet, junpʼéel libro wa junpʼéel videojuegoeʼ, u jaajileʼ táan k-yéeyik baʼax ken k-oks t-tuukul. Le baʼaxoʼob k-chaʼantikoʼ jeʼel u kʼaskúuntik k-tuukuleʼ bey xan le baʼaxoʼob k-beetkoʼ. Teʼ kʼiinoʼobaʼ óoliʼ tiʼ tuláakal le náaysaj óolaloʼob ku yeʼesaʼal baʼaloʼob u pʼekmaj Jéeobaoʼ (Sl 11:5; Gal 5:19-21). Le Bibliaoʼ jeʼel u yáantkoʼon tuukul tiʼ baʼaloʼob maʼalobtak jeʼel u taasik nojbeʼenil tiʼeʼ (Flp 4:8).

CHAʼANT LE VIDEO ¿BAʼAX NÁAYSAJ ÓOLALIL UNAJ IN YÉEYIK?, TSʼOʼOLEʼ NUʼUK LE KʼÁATCHIʼOBAʼ:

• ¿Baʼaxten k-aʼalikeʼ le bix u baʼatel kaʼach le gladiadoroʼob tu úuchben kaajil Romaoʼ chíikaʼan tiʼ le náaysaj óolaloʼob yanoʼob teʼ kʼiinoʼobaʼ?

• ¿Bix jeʼel u yáantaʼal le táankelmoʼob u yéeyoʼob tiʼ baʼax ken u náays u yóoloʼoboʼ?

• ¿Bix u yáantkoʼon Romailoʼob 12:9 utiaʼal k-yéeyik tiʼ baʼax ken k-náays k-óoloʼ?

• ¿Tiʼ baʼaxoʼob jeʼel u páajtal k-náaysik k-óol teʼ tuʼux kajaʼanoʼonoʼ?