Le taatatsiloʼob meyajtik Jéeobaoʼ jach ku tsʼíiboltik ka meyajtaʼak Jéeoba tumen u paaloʼob. Utiaʼal leloʼ desde tu chichniloʼob unaj u kaʼansaʼaloʼob, beyoʼ jeʼel u kʼuchul tu puksiʼikʼaloʼob u Tʼaan Dioseʼ (Dt 6:7; Pr 22:6). ¿Chéen chʼaʼabil wa u beetaʼal? Maʼatech. Baʼaleʼ wa ku tsʼáaik u yóoloʼobeʼ yaan u kʼamkoʼob yaʼab utsiloʼob (3Jn 4).

Le taatatsiloʼoboʼ, yaʼab baʼax jeʼel u kankoʼob tiʼ José yéetel Maríaeʼ. Letiʼobeʼ kex maʼ chéen chʼaʼabileʼ «suukaʼan kaʼach u binoʼob láalaj jaʼab tu kaajil Jerusalén utiaʼal u kʼiinbesajil le Pascuaoʼ» (Lu 2:41). Utiaʼaloʼobeʼ le baʼax maas kʼaʼanaʼanoʼ letiʼe u kaʼansik u paalaloʼob u maas kʼaj óoltoʼob Jéeobaoʼ. Teʼ kʼiinoʼobaʼ le taatatsiloʼoboʼ jeʼel xan u yáantik u paalaloʼob wa ku aprovechartikoʼob jeʼel baʼaxak súutukil utiaʼal u kaʼanskoʼob yéetel baʼax ku yaʼalikoʼob bey xan yéetel baʼax ku beetkoʼob (Sl 127:3-5).

CHAʼANT LE VIDEO T-APROVECHARTAJ K-MEYAJTIK JÉEOBA, TSʼOʼOLEʼ NÚUK LE KʼÁATCHIʼOBAʼ:

• Le táan u líiʼsik u paaloʼob Jon yéetel Sharon Schilleroʼ, ¿bix tu tsʼáajiloʼob táanil u meyajtikoʼob Jéeoba?

• Le taatatsiloʼoboʼ, ¿baʼax unaj u chʼaʼikoʼob en cuenta kéen u nuʼukt cada juntúul tiʼ u paalaloʼob?

• Le taatatsiloʼoboʼ, ¿bix jeʼel u yáantik u paalaloʼob u muʼukʼaʼankúunt u fejoʼob kéen túuntaʼak u yóoloʼobeʼ?

• Tiʼ le áantajoʼob ku tsʼáaik u kaajal Jéeobaoʼ, ¿máakalmáak táan u meyajtech utiaʼal u maas biskuba a paalal yéetel Jéeobaiʼ?