Teʼ Kʼaʼajsajil ken k-beet 23 tiʼ marzooʼ, ku tuklaʼaleʼ doce millones máakoʼob ken u muchʼubaʼob t-éetel. Yaan u yuʼubikoʼob u tsoʼolol baʼax u beetmaj Dios utiaʼal u salvartikoʼon yéetel baʼax utsiloʼob ken k-kʼame (Isa 11:6-9; 35:5, 6; 65:21-23; Jn 3:16). Chéen baʼaleʼ tak toʼon unaj k-tsikbal yéeteloʼob. Tuláakloʼon jeʼel u páajtal k-náatsʼal k-kʼam le máaxoʼob kun taaloʼoboʼ (Ro 15:7). Ilawil bix jeʼel a beetkeʼ.

• Tu lugar a chéen kutal a páaʼt u káajal le programaoʼ saludart le uʼulaboʼoboʼ, tak le inactivoʼoboʼ, yéetel sam cheʼejnen tu yéeteloʼob

• Kex yaan a atendertik le máaxoʼob ta invitartoʼ, saludart xan le uláakʼ máakoʼob invitartaʼaboʼ. Kulen tu tséeloʼob, eʼes le tekstoʼob tiʼoboʼ bey xan le kʼaayoʼoboʼ

• Ken tsʼoʼokok le tsoltʼaanoʼ kʼáattiʼob wa yaan baʼax maʼ tu naʼatoʼobiʼ. Wa kʼaʼabéet a séeb jóokʼleʼex tumen yaan uláakʼ múuchʼulil kun okol teʼ Najil Reinooʼ, maʼ a chaʼik u máan yaʼab kʼiinoʼob ka xiʼikech a xíimbaltoʼobeʼ. Wa minaʼantech u datos wa máaxeʼ, aʼaltiʼ: «In kʼáat in wojéelt bix ta wilil le baʼax tsoʼoloʼ. ¿Jeʼel wa u páajtal a tsʼáaikten a dirección wa u numeroil a telefonoeʼ?»