KUXLAKOʼON JEʼEX CRISTOEʼ
Bix jeʼel u meyajtech le folleto Uʼuy u tʼaan Diosoʼ
Le folleto Uʼuy u tʼaan Diosoʼ beetaʼan utiaʼal le máaxoʼob istikyaj u xookoʼoboʼ. Yéetel le dibujoʼob ku taaskoʼ séeb jeʼel u kankoʼob le baʼaxoʼob maas kʼaʼanaʼantak ku yaʼalik le Bibliaoʼ. Cada xookeʼ tiʼ kaʼapʼéel táan juʼun yaan yéetel ku taasik flechaʼob eʼesik baʼax dibujoil ku seguer.
Le folleto Uʼuy u tʼaan Dios utiaʼal a kuxtaloʼ igual u dibujoiloʼob yéetel le folleto Uʼuy u tʼaan Diosoʼ, chéen baʼaleʼ maas yaʼab u xookil. Maʼ xaaneʼ lelaʼ jeʼel u meyaj tiʼ le j-xoknáaloʼob maas u yojloʼob xookoʼ. Yaʼab kʼaʼaytajoʼobeʼ uts tu tʼaan u meyajtiʼob le folleto Uʼuy u tʼaan Dios utiaʼal a kuxtaloʼ, baʼaleʼ tiʼ u j-xoknáaloʼobeʼ ku tsʼáaikoʼob le maʼ yaʼab u xookiloʼ. Yaʼab xookoʼobeʼ ku taaskoʼob junpʼéel chan cuadro jeʼel u béeytal u xakʼaltaʼal wa maʼ talam utiaʼal le j-xoknáaloʼ.
Kex maʼ letiʼe publicación ku kʼaʼaytaʼal teʼ mesoʼ jeʼel u páajtal a kʼaʼaytik jeʼel máakalmáak tiʼ le folletoʼobaʼ. Ken a tsʼáa junpʼéel xookeʼ meyajnaktech le dibujoʼob utiaʼal a tsolik le baʼax ku yaʼalik le Bibliaoʼ. Beet kʼáatchiʼob tiʼ le j-xoknáaloʼ yéetel ilawil wa táan u naʼatik. Xok yéetel xakʼalt le tekstoʼob ku chíikpajal kabaloʼ. Ken a tsʼoʼokseʼex le folletooʼ, jeʼel u páajtal a xokikeʼex le libro ¿Baʼax jach tu jaajil ku kaʼansik le Bibliaoʼ? utiaʼal ka a wáant a j-xoknáal okjaʼ.