Maʼ a weenleʼex
Kex tiʼ le sukuʼunoʼob yéeyaʼanoʼob tu tsikbaltaj Jesús u kettʼaanil le diez x-chʼúupalaloʼoboʼ, tuláakloʼon jeʼel u páajtal k-jóoʼsik u yutsileʼ (w15 15/3 t.j. 12-16). «Maʼ a weenleʼex, tumen maʼ a wojleʼex mix u kʼiinil mix u yorailiʼ.» (Mt 25:13.) ¿Jeʼel wa u páajtal a tsolik le kettʼaanaʼ?
-
Le noviotsiloʼ (versículo 1): Jesús
-
Le x-chʼúupalaloʼob yaan u naʼatoʼob u líiʼsmubaʼoboʼ (versículo 2): Letiʼe yéeyaʼanoʼoboʼ tumen u líiʼsmubaʼob utiaʼal u beetoʼob le meyaj kʼubéentaʼantiʼoboʼ yéetel táan u léembaloʼob jeʼex sáasiloʼob teʼ yóokʼol kaabaʼ (Flp 2:15)
-
U yaʼalaʼal: «¡Jeʼel ku taal le noviotsiloʼ!» (versículo 6): U chíikpajal way yaan Jesuseʼ
-
Le x-chʼúupalaloʼob minaʼan u naʼatoʼoboʼ (versículo 8): Letiʼe sukuʼunoʼob yéeyaʼanoʼob táan u páaʼtkoʼob le noviooʼ, baʼaleʼ maʼ chúukpaj u yóoloʼobiʼ
-
Le x-chʼúupalaloʼob yaan u naʼatoʼob maʼ tu tsʼáajoʼob u aceiteʼobiʼ (versículo 9): Kéen sellartaʼakoʼobeʼ, le yéeyaʼanoʼoboʼ maʼ kun páajtal u yáantkoʼob le yéeyaʼanoʼob maʼ chúukpaj u yóoloʼoboʼ
-
«Kʼuch le noviotsiloʼ» (versículo 10): Jesuseʼ yaan u káajal u juzgartik máak tu taal u tsʼoʼokbal le nojoch muʼyajiloʼ
-
Ookoʼob tu yéetel teʼ festejooʼ, ka kʼaʼal le joonajoʼ (versículo 10): Jesuseʼ yaan u muchʼkíintik le yéeyaʼanoʼob teʼ kaʼanoʼ, pero le maʼ chúukpaj u yóoloʼoboʼ maʼ ken u kʼamoʼob