Le videoʼob, le fotoʼob yéetel le mapaʼoboʼ ku yáantkoʼon k-naʼat yéetel k-kʼaʼajs le baʼax ku kaʼansaʼaloʼ. Jéeoba, le maas Nojoch Kaʼansajoʼ, bey tu kaʼansil le máaxoʼob meyajt úuchjeakiloʼ (Gé 15:5; Jer 18:1-6). Jesús xaneʼ bey úuchik u kaʼansajoʼ (Mt 18:2-6; 22:19-21). Teʼ kʼiinoʼobaʼ yaʼab videoʼob beetaʼan tumen u kaajal Jéeoba, ¿táan wa u meyajtoʼon utiaʼal k-kaʼansik j-xoknáaloʼob?

Bejlaʼeʼ yaan 10 videoʼob ku yáantkoʼon k-tsol le xookoʼob ku taasik le folleto U maʼalob péektsiloʼob Diosoʼ. U kʼaabaʼ le videoʼoboʼ chíikaʼanoʼob tiʼ junpʼéel tiʼ le kʼáatchiʼob booxtak u tsʼíibiloʼoboʼ. Le folleto yaan teʼ sitiooʼ ku kaxtik le video unaj u meyajtoʼon teʼ jaats táan k-xakʼaltikoʼ. Tsʼoʼoleʼ yaan xan uláakʼ videoʼob beetaʼan utiaʼal u maas naʼataʼal le xookoʼob ku taasik le libroʼob yéetel le folletoʼob ku meyajtoʼon utiaʼal k-kaʼansajoʼ.

¿Yaan wa junpʼéel xook talam u naʼatik a j-xoknáal? ¿Yaan wa junpʼéel baʼax talam táan u aktáantik? Wa beyoʼ, kaxt junpʼéel video teʼ jw.org® wa teʼ JW Broadcasting® jach jeʼel u yáantikeʼ. Maʼ xaaneʼ jeʼel u páajtal a múul chaʼantikeʼex yéetel a tsikbaltikeʼex bix jeʼel u yáantkeʼexeʼ.

Cada mes ku jóoʼsaʼal túumben videoʼob, kéen a chaʼantoʼobeʼ tukult bix jeʼel u meyajtech kéen a kaʼans wa máaxeʼ.