BAʼAXTEN KʼAʼANAʼAN: Yaʼab tiʼ le máaxoʼob chʼóopoʼoboʼ saajkoʼob tʼaan yéetel máax maʼ u kʼaj óoloʼobiʼ. Le oʼolal kʼaʼabéet k-tsʼáaik k-óol k-kaxtoʼob utiaʼal k-kʼaʼaytaj tiʼob. Jéeobaeʼ u yaabiltmaj le máaxoʼob chʼóopoʼoboʼ yéetel u kʼáat u yáantoʼob (Le 19:14). Utiaʼal k-beetik jeʼex Jéeobaeʼ kʼaʼabéet k-bin k-kaxtoʼob utiaʼal k-áantkoʼob u kʼaj óoltoʼob Dios.

BIX JEʼEL A BEETKEʼ:

• «Kaxteʼex» (Mt 10:11). ¿Yaan wa máax a kʼaj óol yaan juntúul u láakʼtsil chʼóop? Ta territorioeʼ, ¿yaan wa escuelaʼob wa organizaciónoʼob jeʼel u meyajtiʼob le publicaciónoʼob beetaʼan utiaʼal u yáantaʼal le chʼóopoʼoboʼ?

• Eʼes taak a wáantkoʼob. Le máax chʼóopoʼ jeʼel u taaktal u tsikbal ta wéetel wa ka weʼesik jatsʼuts modos tiʼeʼ. Tʼaanen tiʼ junpʼéel baʼax jeʼel u taaktal u yojéeltikeʼ.

• Áant u kʼaj óoltoʼob Jéeoba. U kaajal Jéeobaeʼ tsʼoʼok u beetik publicaciónoʼob utiaʼal u yáantaʼal le chʼóopoʼoboʼ. Kʼáattiʼob máakalmáak maas jeʼel u meyajtiʼobeʼ. Le superintendente tiʼ serviciooʼ unaj u yilik ka kʼáataʼak le publicaciónoʼob ichil le formatoʼob ku kʼáataʼal tumen le máaxoʼob chʼóopoʼoboʼ.