Cada añoeʼ k-beetik tuláakal le ku páajtal utiaʼal k-invitartik yaʼab máakoʼob utiaʼal le Kʼaʼajsajiloʼ. U maas yaʼabil tiʼ le máaxoʼob k-invitarkoʼ maʼ k-kʼaj óoloʼobiʼ. Baʼaleʼ maʼalob xan ka k-invitart le máaxoʼob k-kʼaj óoloʼoboʼ. Maas jeʼel u yóotkoʼob bin wa ku invitartaʼaloʼob tumen wa máax u kʼaj óoloʼobeʼ (yb08-S t.j. 11 § 3; t.j. 14 § 1). ¿Máaxoʼob jeʼel u páajtal k-invitarkeʼ?

• K-láakʼtsiloʼob

• K-éet meyajoʼob wa k-éet xookoʼob

• K-vecinoʼob

• K-revisitaʼob, máaxoʼob k-tsʼáaik xook tiʼoboʼ yéetel le ku xookoʼob kaʼach t-éeteloʼ

Le ancianoʼoboʼ jeʼel u páajtal u invitarkoʼob le máaxoʼob xuʼul u kʼaʼaytajoʼob yéetel xuʼul u muchʼkubaʼob t-éeteloʼ. ¿Kux túun wa yaan máax taak a invitartik baʼaleʼ náach tuʼux kajaʼan? Jeʼel u páajtal a kaxtik tuʼux yéetel baʼax hora kun beetbil le Kʼaʼajsajil teʼ tuʼux kajaʼanoʼ. Utiaʼal lelaʼ ooken jw.org teʼ jaats KʼAJ ÓOLTOʼONIʼ tsʼoʼoleʼ ka bin teʼ jaats ku yaʼalik «Kʼaʼajsajil». Kéen káajak a líiʼskaba utiaʼal le Kʼaʼajsajiloʼ tukult bey máaxoʼob jeʼel a invitarkeʼ, tsʼoʼoleʼ tsʼáa u invitaciónoʼob.