Jéeobaeʼ juntúul «Dios kiʼimak u yóol» le oʼolal u kʼáat xan ka kiʼimakchajak k-óol le kéen k-kaʼans le máakoʼoboʼ (1Ti 1:11). Chéen baʼaleʼ wa k-maas maʼalobkíintik bix k-kaʼansajeʼ leloʼ yaan u beetik u maas kiʼimaktal k-óol. Utiaʼal k-káajsik k-tsikbaleʼ jeʼel u páajtal k-beetik kʼáatchiʼobeʼ, leloʼobaʼ jeʼel u beetik ka taakak u maas uʼuyaʼal le baʼax k-kʼáat k-tsikbaltoʼ. Le kʼáatchiʼoboʼ ku yáantik xan le máakoʼob u naʼatoʼob le baʼax k-tsikbaltikoʼ yéetel u tuukuloʼob tu yoʼolal (Mt 22:41-45). Wa k-beetik junpʼéel kʼáatchiʼ yéetel k-páaʼtik ka núukaʼaktoʼoneʼ, bey ka k-aʼal tiʼ le máax yéetel k-tsikbaloʼ: «Jach taak in wuʼuyik baʼax ka tuklik» (Snt 1:19). Le baʼax kun núukbiltoʼonoʼ yaan u yáantkoʼon k-il bix ken k-seguertil le tsikbaloʼ.

CHAʼANT LE VIDEO KIʼIMAK K-ÓOL K-KAʼANSIK U MAASIL. UNAJ K-MAAS MAʼALOBKÍINTIK K-KAʼANSAJ: MEYAJNAKTOʼON TUBEEL LE KʼÁATCHIʼOBOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten jeʼel u páajtal k-aʼalikeʼ yaan jatsʼuts modos tiʼ Coral?

• ¿Baʼax tu beetaj Rita utiaʼal u yeʼesik taak u yáantik Coral?

• ¿Baʼax kʼáatchiʼil tu beetaj Rita utiaʼal u beetik u taaktal u maas kaanbal Coral?

• ¿Baʼax kʼáatchiʼil tu beetaj Rita utiaʼal u yáantik Coral u naʼat way Luʼum kun kuxtal máak utiaʼal mantatsʼeʼ?