Yaʼab baʼax jeʼel u páajtal k-kanik tiʼ le baʼax úuch tiʼ le israelitaʼob teʼ tu desiertoil Moaboʼ (1Co 10:6, 8, 11). Letiʼobeʼ káaj u biskubaʼob yéetel le koʼoleloʼob ku taaloʼob Moaboʼ, le koʼoleloʼobaʼ jach kʼaas u kuxtaloʼob yéetel jejeláas diosoʼob ku adorarkoʼob. Le koʼoleloʼobaʼ tu beetoʼob u kʼebantal le israelitaʼob tu táan Jéeobaoʼ, le oʼolal yaʼab israelitaʼob kíimoʼob (Nú 25:9). Teʼ kʼiinoʼobaʼ k-éet meyajoʼob, k-éet xookoʼob, k-vecinoʼob, k-láakʼtsiloʼob wa uláakʼ máaxoʼob k-kʼaj óoloʼobeʼ maʼatech xan u meyajtikoʼob Jéeoba. Le oʼolaleʼ, ¿baʼax jeʼel u yúuchul wa maʼ t-yéeyik tubeel máaxoʼob yéetel k-bisikbaeʼ?

CHAʼANT LE VIDEO KAANBALNAKOʼON TIʼ LE BAʼAXOʼOB UCHAʼANTAKOʼ (JUNXÓOTʼ), TSʼOʼOLEʼ NÚUK LE KʼÁATCHIʼOBAʼ:

• ¿Baʼax aʼalaʼab tiʼ Jamín tumen Zimrí yéetel tumen uláakʼ kaʼatúul israelitaʼob tu yeʼesaj maʼ maʼalob bix u tuukuloʼobiʼ?

• ¿Bix áantaʼabik Jamín tumen Fineás utiaʼal ka u naʼat baʼax u kʼáat Jéeoba ka u beete?

• ¿Baʼaxten maʼ igual le u yeʼesik u yutsil máak tiʼ u maasil yéetel le u beetkuba u amigooʼ?

• ¿Baʼaxten tak teʼ múuchʼulil unaj k-yéeyik tubeel k-amigoʼoboʼ?

• Wa ku meyajtech le redes socialesoʼ, ¿baʼaxten maʼ maʼalob ka joʼopʼok a tsikbal yéetel máaxoʼob maʼ a kʼaj óoloʼobiʼ?