Le kéen xáanak táan u máansik máak junpʼéel problemaeʼ jeʼel u beetik u lúubul u yóoleʼ. Davideʼ u yojel kaʼacheʼ le problema yaantiʼ yéetel Saúloʼ yaan u kʼuchul u kʼiinil u xuʼulul, yéetel jeʼex u yaʼalmil Jéeobaoʼ letiʼeʼ yaan u beetkuba reyil (1Sa 16:13). Davideʼ jach yaan u fe kaʼach tiʼ Jéeoba le oʼolal tu yeʼesaj paciencia.

Le kéen k-máans junpʼéel problemaeʼ jeʼel u páajtal u meyajtoʼon le baʼax tsʼoʼok k-kanik teʼ Biblia utiaʼal k-ilik k-utskíintikoʼ (1Sa 21:12-14; Pr 1:4). Chéen baʼaleʼ yaan kʼiineʼ kex k-beetik tuláakal le ku páajtaleʼ maʼ tu yutstal le problemaoʼ. Le kéen úuchuktoʼon beyoʼ unaj k-eʼesik paciencia yéetel k-pʼatik tu kʼab Jéeoba. Maʼ kun xáantaleʼ letiʼeʼ yaan u luʼsik tuláakal le baʼax beetik k-muʼyajoʼ yéetel ‹yaan u choʼik tuláakal u jaʼil k-ich› (Ap 21:4). Maʼ xaaneʼ Jéeobaeʼ jeʼel u luʼsik le problema yaantoʼonoʼ wa jeʼel u yutstal tu juunaleʼ. Chéen baʼaleʼ k-ojleʼ jeʼel baʼaxak táan k-aktáantikeʼ yaan u kʼuchul u kʼiinil u xuʼulul. Leloʼ jach ku líiʼsik k-óol.

CHAʼANT LE VIDEO KEX TU JAANTKUBA U MAASILEʼ, TOʼONEʼ JUNMÚUCHʼ K-MEYAJ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax tu aktáantaj yaʼab sukuʼunoʼob kajaʼanoʼob tu noojolil Estados Unidos?

• ¿Bix tu yeʼesiloʼob paciencia yéetel yaabilaj?

• ¿Baʼax maas importante kaʼach utiaʼal le sukuʼunoʼoboʼ? (Flp 1:10).