KUXLAKOʼON JEʼEX CRISTOEʼ
Óoxpʼéel bix k-eʼesik táan k-confiar tiʼ Jéeoba
Davideʼ tu ganartaj Goliat tumen jach confiarnaj tiʼ Jéeoba (1Sa 17:45). Jéeobaeʼ jach taak u yáantik le máaxoʼob meyajtikoʼ (2Cr 16:9). ¿Bix jeʼel k-eʼesik k-confiar tiʼ Jéeobaeʼ? Koʼoneʼex ilik óoxpʼéel bix jeʼel k-eʼesikeʼ.
-
Orarnen mantatsʼ. Aparte tiʼ a orar tiʼ Jéeoba utiaʼal a kʼáatiktiʼ ka u perdonart baʼax maʼ maʼalobtak ta beeteʼ, orarnen xan tiʼ utiaʼal a kʼáatiktiʼ ka u tsʼáatech u muukʼil utiaʼal maʼ a lúubul tiʼ junpʼéel kʼeban (Mt 6:12, 13). Aparte tiʼ a orar tiʼ Jéeoba utiaʼal a kʼáatiktiʼ ka u bendecirt wa baʼax tsʼoʼok a chʼaʼtuklikeʼ, orarnen xan tiʼ utiaʼal a kʼáatiktiʼ ka u nuʼuktech antes a chʼaʼtuklik a beetik wa baʼax (Snt 1:5).
-
Suukak a xakʼalxoktik le Bibliaoʼ. Xok le Biblia sáamsamaloʼ (Sl 1:2). Tukult baʼax jeʼel a kanik tiʼ le máaxoʼob ku chʼaʼchiʼitaʼaloʼob teʼ Bibliaoʼ ku tsʼoʼokoleʼ tsʼáa ichil a kuxtal (Snt 1:23-25). Preparartaba utiaʼal a kʼaʼaytaj, maʼ a confiarkaba tiʼ baʼax a wojel. Preparartaba xan utiaʼal le muchʼtáambaloʼoboʼ, beyoʼ yaan a maas jóoʼsik u yutsil.
-
Beet baʼax ku yaʼalik u kaajal Jéeoba. Wa yaan junpʼéel baʼax túumben ku yaʼalik u kaajal Jéeobaeʼ ilawil a beetik (Nú 9:17). Bey xan unaj a beetik yéetel le baʼax ku yaʼalik le ancianoʼoboʼ (Heb 13:17).
KÉEN TSʼOʼOKOK A CHAʼANTIK LE VIDEO ¡MAʼ A SAJAKTAL KÉEN CHʼAʼPACHTAʼAKECH!, NÚUK LE KʼÁATCHIʼOBAʼ:
• ¿Baʼax tu aktáantaj le sukuʼunoʼob chíikpaj teʼ videooʼ?
• ¿Baʼax áantoʼob teʼ kʼiinoʼoboʼ?
