Jéeobaeʼ u kʼáat ka k-meyajt tumen k-yaabiltmaj (Mt 22:37, 38). Le yaabilajoʼ letiʼe baʼax kun áantik le j-xoknáaloʼob utiaʼal ka u kʼex u kuxtaloʼoboʼ, utiaʼal u aktáantkoʼob le problemasoʼ yéetel utiaʼal ka okjaʼanakoʼob (1Jn 5:3).

Le oʼolaleʼ áant a j-xoknáal u naʼat yaabiltaʼan tumen Jéeoba. Jeʼel u páajtal a kʼáatiktiʼeʼ: «¿Baʼax ku kaʼansiktech yoʼolal Dios le baʼax tsʼoʼok k-xokikaʼ? ¿Bix u yeʼesiktech u yaabiltmech Jéeoba?». Áant ka tuukulnak tiʼ bix tsʼoʼok u yáantaʼal tumen Jéeoba ichil u kuxtal (2Cr 16:9). Tsikbalttiʼ bix tsʼoʼok u núukik Jéeoba a oraciónoʼob yéetel aʼaltiʼ ka tuukulnak xan tiʼ bix tsʼoʼok u núukaʼal u oraciónoʼob. ¡Jach yaan u kiʼimaktal a wóol kéen a wil a j-xoknáaleʼ u yaabiltmaj Jéeoba yéetel u amigo!

CHAʼANT LE VIDEO ÁANT A J-XOKNÁAL UTIAʼAL U AMIGOTIK JÉEOBA, TSʼOʼOLEʼ NÚUK LE KʼÁATCHIʼOBAʼ:

• ¿Baʼax problemail tu máansaj Coral?

• ¿Bix áantaʼabik tumen Rita?

• ¿Baʼax tu beetaj Coral utiaʼal u aktáantik le problemaoʼ?