Juntúul amigoeʼ jach ku yaabiltik le máax yéetel ku biskubaoʼ. Úuchjeakileʼ David yéetel Jonatáneʼ káaj u biskubaʼob ka tsʼoʼok u kíimsaʼal Goliat tumen David (1Sa 18:1). Letiʼobeʼ jach maʼalob úuchik u biskubaʼob, tumen tu yiloʼob le baʼaloʼob maʼalobtak ku beetik uláakʼ juntúuloʼ. Jeʼex k-ilkoʼ utiaʼal u káajal k-bisikba yéetel wa máaxeʼ yáaxeʼ kʼaʼabéet k-kʼaj óoltik tubeel, leloʼ ku bisik tiempo. Chéen baʼaleʼ teʼ redes socialesoʼ chéen kʼaʼabéet u tsʼáaik máak junpʼéel clic utiaʼal u aceptartik juntúul máak bey u amigoeʼ. Pero leloʼ maʼ maʼalobiʼ tumen le máakoʼoboʼ u suukileʼ chéen ku naʼaksikoʼob le baʼaxoʼob u kʼáatoʼob ka ojéeltaʼak tiʼ letiʼoboʼ. Le oʼolal jach unaj a kanáantik yéetel máax ku káajal a biskaba teʼ Internetoʼ. Maʼ a kʼamik juntúul máax maʼ a kʼaj óol tubeel chéen tumen ka tuklik wa maʼ ta kʼamkeʼ jeʼel u tsʼíikileʼ. Tumen jach kʼaʼabéet u kanáantkuba máak le kéen meyajnaktiʼ le redes socialesoʼ yaan máaxoʼobeʼ tsʼoʼok u chʼaʼtuklikoʼob maas maʼalob maʼ u yantaltiʼob. Chéen baʼaleʼ wa teech ka chʼaʼtuklik u meyajtech le redes socialesoʼ, ¿baʼax unaj a chʼaʼik en cuenta?

KÉEN TSʼOʼOKOK A CHAʼANTIK LE VIDEO KANÁANT BIX U MEYAJTECH LE REDES SOCIALESOʼ, NÚUK LE KʼÁATCHIʼOBAʼ:

• ¿Baʼax unaj a chʼaʼik en cuenta antes a naʼaksik fotoʼob wa a tsʼíibtik wa baʼax tiʼ Internet?

• ¿Baʼaxten jach unaj a kanáantik yéetel máaxoʼob ka biskaba ich Internet?

• ¿Baʼaxten unaj a tsʼáaik u pʼiis le tiempo ka máansik teʼ redes socialesoʼ? (Ef 5:15, 16).