Yaan cuatro videoʼob beetaʼan utiaʼal u tsʼaʼabal xook. Koʼox ilik baʼaxten beetaʼab cada junpʼéeliʼ yéetel bix jeʼel u meyajtoʼon teʼ kʼaʼaytajoʼ.

• ¿Baʼaxten unaj a xokik le Bibliaoʼ? (Chowak video). Le videoaʼ beetaʼan utiaʼal u taaktal u xoʼokol le Biblia tumen le máakoʼoboʼ kex jeʼel baʼaxak religiónil yaantiʼobeʼ. Ku yaʼalik xan tiʼ máak ka u kaxt u núukil u preguntaʼob teʼ Bibliaoʼ. Tsʼoʼoleʼ le ejemplo ku tsʼáaikoʼ ku yeʼesik jach jaaj baʼax ku yaʼalik le Bibliaoʼ. Tu tsʼookeʼ ku tsolik bix jeʼel u kʼáatik máak ka tsʼaʼabak xook tiʼeʼ.

• ¿Baʼaxten unaj a xokik le Bibliaoʼ? (Kóom video). Le videoaʼ chíikaʼan tiʼ le video chowakoʼ. Chéen baʼaleʼ como maas jach kóomeʼ maas jeʼel u taaktal u chaʼantaʼal tumen le máaxoʼob maʼ jach yaan tiempo tiʼoboʼ.

• ¿Bix u kaʼansaʼal máak yéetel le Bibliaoʼ? Le videoaʼ beetaʼan utiaʼal u taaktal u yojéeltik le máakoʼob bix u tsʼaʼabal xook yéetel le Bibliaoʼ. Ku núukik xan jujunpʼéel preguntaʼob ku beetik le máakoʼob yoʼolal le xookoʼoboʼ, por ejemploeʼ bix jeʼel u kʼáataʼal junpʼéeleʼ.

• ¡Disfrutart u xookil le Bibliaoʼ! Le videoaʼ ku yeʼesaʼal tiʼ le máaxoʼob tsʼoʼok u kʼamkoʼob junpʼéel xookoʼ. Kex ku chʼaʼchiʼitaʼal teʼ página dos tiʼ le libro ¡Disfrutart le kuxtaloʼ! jeʼel xan u páajtal u yeʼesaʼal tiʼ máax tsʼoʼok u káajal u xook yéetel le folletooʼ. Le videooʼ ku yaʼalik baʼax ken u kan máak teʼ librooʼ yéetel bix u tsʼaʼabal xook.

Jeʼex k-ilkoʼ cada videoeʼ yaan baʼax oʼolal beetaʼabi, chéen baʼaleʼ wa ka wilik maʼalobeʼ jeʼel u páajtal a weʼesik wa a túuxtik tiʼ wa máaxeʼ. Ilawil a chaʼantik le videoʼoboʼ beyoʼ kéen jóokʼkech kʼaʼaytajeʼ yaan u meyajtechoʼob tubeel.