Bejlaʼeʼ maas yaʼab u yúuchul nojoch loobiloʼob. Le kéen úuchuk junpʼéeleʼ jach kʼaʼabéet u nuʼuktaʼal tubeel le máaxoʼob kun áantajoʼoboʼ. Le oʼolal le Cuerpo Gobernanteoʼ tu yaʼaleʼ tiʼ tuláakal le sucursaloʼoboʼ kʼaʼabéet u yantal junpʼéel departamento utiaʼal u yáantaʼal le sukuʼunoʼoboʼ (Departamento de Labores de Socorro).

Le kéen úuchuk junpʼéel nojoch loobeʼ le sukuʼunoʼob yanoʼob teʼ departamentoaʼ tu séebaʼanil ku tʼankoʼob le ancianoʼob utiaʼal u kʼáatkoʼob baʼax kʼaʼabéet tiʼ le publicadoroʼoboʼ. Wa ku yaʼalik le sukuʼunoʼob kʼaʼabéet u yáantaʼaloʼob tumen jach nojoch le loob úuchoʼ, le sucursaloʼ ku túuxtik sukuʼunoʼob capacitartanoʼob utiaʼal u nuʼuktikoʼob le áantaj kun tsʼaabiloʼ. Maʼ xaaneʼ letiʼobeʼ yaan u yaʼalikoʼob ka xiʼik áantaj máak, ka donartaʼak nookʼ, janal wa uláakʼ baʼaloʼob. Wa maʼ xaaneʼ letiʼob kun manik yéetel kun tʼoxik le baʼaxoʼob kʼaʼabéetoʼ.

Jach maʼalob u beetaʼal beyaʼ tumen wa maʼeʼ jeʼel u beetaʼal doble meyajeʼ. Tsʼoʼoleʼ lelaʼ ku yáantaj utiaʼal maʼ u puʼulul taakʼin chéen beyoʼ bey xan le uláakʼ baʼaloʼob ku donartaʼaloʼ. Lelaʼ jeʼel u yúuchul wa le sukuʼunoʼob ku beetkoʼob chéen tu cuenta le baʼaloʼoboʼ.

Le sukuʼunoʼob ku túuxtaʼaloʼob tumen le sucursaloʼ letiʼob kun aʼalik bukaʼaj taakʼin kun kʼaʼabéettal yéetel jaytúul sukuʼunoʼob unaj u binoʼob áantaj. Tsʼoʼoleʼ utiaʼal ka maas séebchajak le meyajoʼ maʼ xaaneʼ jeʼel u tʼaanoʼob yéetel le autoridadoʼoboʼ. Le beetkeʼ wa maʼ tu yaʼalaʼaltecheʼ maʼ a kʼáatik taakʼin, nookʼ mix mercancía utiaʼal a túuxtik tuʼux úuch le looboʼ. Tsʼoʼoleʼ maʼ a bin áantaj chéen ta cuenta.

U jaajileʼ como jach k-yaabiltmaj le sukuʼunoʼoboʼ ku taaktal k-beetik wa baʼax utiaʼal k-áantkoʼob kéen úuchuk loob (Heb 13:16). ¿Bix túun jeʼel k-áantkoʼobeʼ? Jeʼel u páajtal k-orar tu yoʼolaloʼobeʼ bey xan yoʼolal le sukuʼunoʼob bijaʼanoʼob áantajoʼ. Jeʼel xan u páajtal k-tsʼáaik k-donación utiaʼal le meyaj ku beetaʼal tiʼ tuláakal yóokʼol kaaboʼ. Tumen u najiloʼob Beteleʼ maas u yojloʼob tuʼux yéetel bix jeʼel u meyaj le taakʼin ku tsʼaʼabaloʼ. Pero wa deporsi taak k-bin áantajeʼ jeʼel u páajtal k-chupik le Solicitud de voluntario local de diseño y construcción (DC-50).

CHAʼANT LE VIDEO KU SEN BÚULUL BRASIL, TSʼOʼOLEʼ NÚUK LE KʼÁATCHIʼAʼ:

¿Baʼax maas jatsʼuts ta wilil tiʼ le áantaj tu tsʼáaj le Testigoʼob le ka búul Brasiloʼ?