Le Leyoʼ ku yaʼalikeʼ le íichamtsil u kʼáat u divorciartubaoʼ unaj u beetik u juʼuniloʼob, beyoʼ maʼ chéen chʼaʼabil u jáan divorciarkubaiʼ. Baʼaleʼ tu kʼiiniloʼob Jesuseʼ, u nuuktakil le judíoʼoboʼ tu yiloʼob u maas séebkuntik u divorciarkuba máak. Le íichamtsiloʼoboʼ jeʼel u páajtal u divorciarkubaʼob kaʼach chéen yoʼolal jeʼel baʼaxeʼ (nwtsty nota utia’al xak’alxook Mr 10:4: «U juʼunil divorcio»; nwtsty notaʼob utia’al xak’alxook Mr 10:11 «U divorciartuba tiʼ u yatan» bey xan «Ku lúubul tiʼ adulterio yéetel ku bin tu contra u yatan»). Jesuseʼ tu yaʼaleʼ Jéeoba beet u yantal le tsʼoʼokol beeloʼ (Mr 10:2-12). Kéen tsʼoʼokok u beeloʼobeʼ, le íichamtsil yéetel le atantsiloʼ ku pʼáatal juntúuliliʼob. Le Bibliaoʼ ku yaʼalikeʼ chéen jeʼel u páajtal u divorciarkuba máak yoʼolal «núupkʼeban» (Mt 19:9).

Teʼ kʼiinoʼobaʼ yaʼab máakoʼob ilik le tsʼoʼokol beel jeʼex u yilik kaʼach le fariseoʼoboʼ maʼ jeʼex u yilik kaʼach Jesusoʼ. Kéen yanak wa baʼax problema tiʼobeʼ, ku jáan divorciarkubaʼob. Chéen baʼaleʼ le máaxoʼob meyajtik Diosoʼ jach kʼaʼanaʼan u yilkoʼob le promesa tu beetoʼob ka tsʼoʼok u beeloʼoboʼ le oʼolaleʼ ku yutskíintik u problemaʼob yéetel u yáantaj le Bibliaoʼ. Kéen tsʼoʼokok a chaʼantik le video Yaabilaj yéetel tsiikileʼ ku nupik le familiaoʼ, núuk le kʼáatchiʼobaʼ:

• ¿Bix jeʼel u beetik le tsʼokaʼan u beeloʼob le baʼax ku yaʼalik Proverbios 15:1, yéetel baʼaxten kʼaʼanaʼan?

• ¿Bix jeʼel u yáantaj utiaʼal maʼ u yantal problemaʼob le baʼax ku yaʼalik Proverbios 19:11?

• Wa ka wuʼuyik jach taak a pʼatik a núupeʼ, ¿tiʼ baʼaxoʼob unaj a tuukul tu lugar a tuklik a divorciarkaba?

• ¿Bix jeʼel u yáantkech Mateo 7:12 utiaʼal a beetkaba juntúul maʼalob íichamtsil wa atantsileʼ?