Le kéen k-kaʼa xíimbalt le máakoʼob wa kéen k-tsʼáa xook tiʼobeʼ kʼaʼabéet k-áantkoʼob utiaʼal ka u naʼatoʼob tubeel le baʼax unaj u kankoʼoboʼ. Wa le baʼax táan k-tsolik k-ketik yéetel wa baʼaxeʼ maas maʼ kun tuʼubultiʼob yéetel yaan kʼuchul tu puksiʼikʼaloʼob.

Le kéen a líiʼsaba utiaʼal a bin a xíimbalt wa máaxeʼ ilawil máakalmáak le baʼaloʼob jach unaj u kanikoʼ. Tsʼoʼoleʼ tukult bix ken a ketil, chéen baʼaleʼ unaj séeb u naʼataʼal yéetel unaj a tʼaan tiʼ baʼaloʼob kʼaj óolaʼanoʼob (Mt 5:14-16; Mr 2:21; Lu 14:7-11). Chʼaʼ en cuenta baʼax u yojel u yuumil naj yéetel bix u tuukul (Lu 5:2-11; Jn 4:7-15). Wa ka beetkeʼ jach yaan u kiʼimaktal a wóol kéen a wil ku naʼataʼal le baʼax ka kaʼansikoʼ.

CHAʼANT LE VIDEO KIʼIMAK K-ÓOL K-KAʼANSIK U MAASIL. UNAJ K-MAAS MAʼALOBKÍINTIK K-KAʼANSAJ: MEYAJNAKTOʼON KETTʼAANOʼOB, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten yaan kʼiineʼ kʼaʼabéet u yáantaʼal le máakoʼob u naʼatoʼob le baʼax ku yaʼalik le tekstoʼoboʼ?

• ¿Baʼax ejemploil tu yaʼalaj Rita utiaʼal ka maas naʼataʼak le baʼax ku yaʼalik Romanos 5:12?

• ¿Bix jeʼel k-áantik le máakoʼob wa k-ketik le baʼaxoʼob k-kaʼansikoʼ?

• ¿Baʼaxten unaj u meyajtoʼon le videoʼob yéetel le uláakʼ nuʼukuloʼob u tsʼaamaj u kaajal Diosoʼ?