Ichil le tsolnuʼuk ku yaʼalik le Bibliaoʼ táakaʼan u kaʼansaʼal máak bey xan u castigartaʼal. Jéeobaeʼ ku tsolnuʼuktikoʼon utiaʼal ka k-adorart jeʼex u kʼáateʼ (Ro 12:1; Heb 12:10, 11). Chéen baʼaleʼ yaan horaeʼ chan yaj u yuʼubik máak, pero wa ku kʼamkeʼ ku bendecirtaʼal tumen Dios (Pr 10:7). ¿Baʼax unaj u chʼaʼik en cuenta le máax tsʼáaik le tsolnuʼuk bey xan le máax kʼamkoʼ?

Le máax tsʼáaik le tsolnuʼukoʼ. Le ancianoʼob yéetel le taatatsiloʼoboʼ kéen u tsolnuʼuktoʼob wa máaxeʼ unaj u yeʼeskoʼob yaabilaj jeʼex u beetik Jéeobaeʼ (Jer 46:28). Tak wa ku yantal u kʼeʼeyel wa u castigartaʼal máakeʼ unaj u beetaʼal yéetel yaabilaj (Tit 1:13).

Le máax kʼamkoʼ. Tumen kʼebanoʼoneʼ deporsi yaan kʼiineʼ ku kʼaʼabéettal u tsoʼololtoʼon u nuʼuk. Le kéen tsoʼoloktoʼon u nuʼukeʼ unaj k-kʼamik yéetel k-beetik baʼax ku yaʼalaʼaltoʼon (Pr 3:11, 12). Jéeobaeʼ ku tsoliktoʼon u nuʼuk yéetel le Bibliaoʼ, le muchʼtáambaloʼoboʼ wa yaan kʼiineʼ ku kʼaʼabéettal junpʼéel comité judicial. Wa k-kʼamik yéetel k-beetik baʼax ku yaʼalaʼaltoʼoneʼ jeʼel k-kuxtal minaʼan u xuuleʼ (Pr 10:17).

CHAʼANT LE VIDEO JÉEOBAEʼ KU TSOLNUʼUKTIK YÉETEL KU KAʼANSIK MÁAX U YAABILTMAJ, TSʼOʼOLEʼ NÚUK LE KʼÁATCHIʼOBAʼ:

• ¿Bix líiʼsaʼabik Canon, baʼaleʼ baʼax úuch ka maas chan nojochchaji?

• ¿Bix tsolnuʼuktaʼabik tumen Jéeoba?

• ¿Baʼax k-kanik tiʼ le baʼax úuchtiʼoʼ?