KUXLAKOʼON JEʼEX CRISTOEʼ
Preparartaba tumen kuxaʼanoʼon tu xuul u tsʼook kʼiinoʼob
Toʼoneʼ kuxaʼanoʼon tu tsʼook u kʼiiniloʼob le yóokʼol kaabaʼ, le oʼolaleʼ yaan u bin u maas yaatal le kuxtalaʼ (2Ti 3:1). Chéen baʼaleʼ u kaajal Jéeobaeʼ mantatsʼ ku yaʼaliktoʼon baʼax unaj k-beetik utiaʼal k-kanáantikba, jeʼex kéen úuchuk junpʼéel nojoch loobileʼ. Wa k-beetik baʼax ku yaʼalik Jéeoba yéetel k-preparartikba desde beoraaʼ jeʼel k-salvartik k-kuxtal kéen úuchuk junpʼéel nojoch loobileʼ (Lu 16:10).
-
Muʼukʼaʼankúunt a fe. Junpʼéel baʼal jeʼel u yáantkech a líiʼsabaeʼ letiʼe a xokik le Bibliaoʼ, a xakʼalxook yéetel a kanik kʼaʼaytaj jejeláas bixi. Wa xan ka wuʼuyik ta juunal yanech tumen maʼ tu páajtal a muchʼkaba yéetel le sukuʼunoʼoboʼ, maʼ u tuʼubultecheʼ Jéeoba yéetel Jesúseʼ tiaʼanoʼob ta wéeteleʼ (Isa 30:15; od-S pág. 175, 176 párr. 15-17).
-
Preparart baʼaxoʼob kun kʼaʼabéettaltech. Ilawil a preparartik a mochila, u yantaltech tsʼeʼetsʼek janal, jaʼ, jujunpʼéel tsʼaakoʼob yéetel uláakʼ baʼaxoʼob kun kʼaʼabéettalteʼex. Tumen maʼ xaaneʼ utiaʼal a kanáantkabaʼexeʼ yaan u kʼaʼabéettal a pʼáatleʼex yaʼab tiempo ta wotocheʼex (Pr 22:3; g17.5-S pág. 4, 6).
CHAʼANT LE VIDEO LÍIʼSABA TÁANIL TIʼ U YANTAL NUKUCH LOOBILOʼOB, TSʼOʼOLEʼ NÚUK LE KʼÁATCHIʼOBAʼ:
-
¿Baʼaxten kʼaʼabéet muʼukʼaʼan k-fe kéen úuchuk junpʼéel nojoch loobil?
-
¿Baʼaxten kʼaʼabéet...
-
... k-tsʼáaik k-datos tiʼ le ancianoʼoboʼ?
-
... k-preparartik junpʼéel mochila yéetel baʼaxoʼob kʼaʼabéettoʼon?
-
... k-tsikbaltik baʼax nukuch loobiloʼob jeʼel u yúuchleʼ yéetel baʼax jeʼel k-beetkeʼ?
-
-
¿Máakalmáak le óoxpʼéel baʼaloʼob jeʼel u páajtal k-beetik utiaʼal k-áantik u maasiloʼ?
TUKULTE: «Jeʼex tsʼoʼok k-ilik tu kʼiiniloʼob le COVID-19, ¿baʼaxten kʼaʼabéet k-preparartikba?».