Tumen j-kʼeban máakoʼoneʼ mantatsʼ kʼaʼabéet k-controlartik k-tsʼíibolaloʼob. Wa ka k-beet tuláakal baʼax k-tsʼíiboltikeʼ jeʼel k-náachtal tiʼ Jéeobaeʼ. Yaan máakoʼobeʼ maas ku tsʼíiboltkoʼob baʼaloʼob jeʼex janal, nookʼ wa najoʼob ke u yaabiltikoʼob Dios. Yanoʼob xaneʼ ku beetkoʼob jejeláas baʼaloʼob utiaʼal u tsʼoʼokbeskoʼob le baʼax ku tsʼíiboltkoʼob yaan yil yéetel le relaciones sexualesoʼ (Ro 1:26, 27). Uláakʼoʼobeʼ ku beetkoʼob baʼaloʼob maʼ maʼalobtak chéen utiaʼal u lúubloʼob utsil tiʼ u maasiliʼ (Éx 23:2).

¿Baʼax jeʼel u yáantkoʼon utiaʼal k-controlartik baʼax k-tsʼíiboltikeʼ? Kʼaʼabéet k-chʼikik k-tuukul tiʼ le baʼaloʼob espiritualoʼoboʼ (Mt 4:4). Unaj xan k-kʼáatik tiʼ Jéeoba ka u yáantoʼon k-controlart le baʼaxoʼob k-tsʼíiboltikoʼ. ¿Baʼaxten? Tumen letiʼeʼ u yojel baʼax jeʼel u taasiktoʼon utsil yéetel kiʼimak óolaleʼ (Sl 145:16).

CHAʼANT LE VIDEO MAʼ CHAʼIK U TUʼUPUL A KUXTAL, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten yaan máakoʼobeʼ ku tsʼuʼutsʼ chamaloʼob?

• ¿Baʼax jeʼel u yúuchul tiʼ máak wa ku tsʼuʼutsʼ chamaleʼ?

• ¿Baʼaxten maʼ maʼalob u tsʼuʼutsʼ chamal máakiʼ? (2Co 7:1).

• ¿Baʼax jeʼel u páajtal a beetik utiaʼal a púutsʼul tiʼ le vicioaʼ?