Le j-xoknáaloʼoboʼ kʼaʼabéet u muʼukʼaʼankúuntik u fejoʼob utiaʼal u lúubloʼob utsil tiʼ Dios (Heb 11:6). Le libro Disfrutart le kuxtaloʼ jeʼel u yáantkoʼon utiaʼal ka kʼuchkoʼon tu puksiʼikʼaloʼobeʼ. Le publicaciónaʼ ku taasik tekstoʼob, preguntaʼob ku beetik u tuukul máak, dibujoʼob, fotoʼob yéetel videoʼob jach ku yáantik máak. Unaj k-áantik le j-xoknáaloʼob utiaʼal ka yanak jatsʼuts modos tiʼob yéetel ka u beetubaʼob u amigoʼob Diosoʼ, beyoʼ yaan u yantaltiʼob junpʼéel fe muʼukʼaʼan jeʼel u yáantkoʼob u aktáantkoʼob jeʼel baʼalakeʼ (1Co 3:12-15).

Yaan máakoʼobeʼ ku tuklikoʼobeʼ maʼ tu páajtal u biskubaʼob yéetel Dios tumen maʼ tu páajtal u yilkoʼob. Le oʼolaleʼ jach unaj k-áantkoʼob u kʼaj óoltoʼob Jéeoba yéetel ka confiarnakoʼob tiʼ letiʼ.

CHAʼANT LE VIDEO MUʼUKʼAʼANKÚUNT U FE U MAASIL TIʼ JÉEOBA YÉETEL LE LIBRO «DISFRUTART LE KUXTALOʼ», TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten jeʼel u páajtal k-aʼalikeʼ le kiikoʼ tu líiʼsuba maʼalob utiaʼal u tsʼáaik le xookoʼ?

• ¿Baʼax kʼáatchiʼiloʼob tu beetaj le kiik utiaʼal u yaʼalik le j-xoknáal baʼax ku tuklik yoʼolal Isaías 41:10, 13?

• ¿Bix áantaʼabik le j-xoknáal tumen le video yéetel le tekstoʼoboʼ?

Yaʼab máakoʼobeʼ maʼ tu naʼatkoʼob le utsiloʼob ku taasik le u kuxtal Jesús tu kʼuboʼ yéetel yanoʼobeʼ maʼ tu yilkoʼob bey junpʼéel regalo tu tsʼáajtoʼon Dioseʼ (Gál 2:20). Le oʼolaleʼ kʼaʼabéet k-áantkoʼob utiaʼal ka u tsʼáaʼob u fejoʼob tiʼ u kuxtal Jesús tu kʼuboʼ.

CHAʼANT LE VIDEO MUʼUKʼAʼANKÚUNT U FE U MAASIL TIʼ JESÚS YÉETEL LE LIBRO «DISFRUTART LE KUXTALOʼ», TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten jeʼel u páajtal k-aʼalikeʼ le sukuʼunoʼ tu líiʼsuba maʼalob utiaʼal u tsʼáaik le xookoʼ?

• ¿Bix úuchik u meyajtiʼ le jaats «Kan u maasil» utiaʼal u yáantik le j-xoknáaloʼ?

• ¿Baʼaxten le oraciónoʼ jach jeʼel u yáantik le j-xoknáaloʼ?