Jeʼex kun bin u náatsʼal u kʼiinil u xuʼulsaʼal le yóokʼol kaabaʼ bey kun bin u maas antal baʼateʼel, terroristaʼob yéetel guerraʼob (Ap 6:4). ¿Bix jeʼel k-líiʼsikba utiaʼal k-aktáantik le baʼaloʼobaʼ?

• Muʼukʼaʼankúunt a fe. Utiaʼal a maas confiar tiʼ Jéeoba yéetel tiʼ u kaajaleʼ tuukulnen tiʼ tekstoʼob wa tiʼ baʼaxoʼob uchaʼan tiʼ jujuntúul máaxoʼob ku chʼaʼchiʼitaʼaloʼob teʼ Bibliaoʼ, leloʼ yaan xan u yáantkech utiaʼal u seguer a tsʼáaikaba tu favor u Reino Dios (Pr 12:5; jr-S pág. 125, 126 párr. 23, 24). Bejlaʼeʼ u kʼiinil xan a maas biskaba yéetel le sukuʼunoʼoboʼ (1Pe 4:7, 8).

• Preparart baʼaxoʼob kun kʼaʼabéettaltech. Ilawil u yantaltech tsʼeʼetsʼek janal yéetel uláakʼ baʼaloʼob kun kʼaʼabéettaltech tumen maʼ xaaneʼ maʼ kun páajtal a jóokʼol ta wotoch. Maʼalob xan ka a wil tuʼux kan bin wa ku kʼaʼabéettal a pʼatik a wotoch. Ilawil wa maʼalob yanil le baʼaxoʼob yaan ichil le mochila a prepararmoʼ yéetel maʼ u tuʼubultech a tsʼáaik taakʼiniʼ wa uláakʼ baʼaloʼob utiaʼal a kanáantkaba jeʼex cubrebocas yéetel guantes. Tsʼoʼoleʼ yanaktech u datos le ancianoʼoboʼ yéetel tsʼáa xan a datos tiʼob (Isa 32:2; g17.5-S pág. 3-7).

Tu yorail táan u yúuchul wa baʼaxeʼ maʼ a pʼatik le baʼaloʼob suuk a beetik utiaʼal a adorartik Jéeobaoʼ (Flp 1:10). Wa maʼ jach kʼaʼabéet a jóokʼoleʼ maas maʼalob ka pʼáatkech ta wotoch (Mt 10:16). Compartirt le baʼaxoʼob yaantechoʼ (Ro 12:13).

CHAʼANT LE VIDEO ¿A LÍIʼSMABA WA UTIAʼAL KÉEN TÉEK ÚUCHUK WA BAʼAX?, TSʼOʼOLEʼ NÚUK LE KʼÁATCHIʼOBAʼ:

• ¿Bix jeʼel u yáantkoʼon Jéeoba kéen úuchuk wa baʼaxeʼ?

• ¿Baʼax jeʼel u páajtal k-beetik utiaʼal k-líiʼsikbaeʼ?

• ¿Bix jeʼel k-áantik u maasileʼ?