Jesúseʼ utiaʼal u kaʼansajeʼ tʼaanaj tiʼ jujunpʼéel baʼaloʼob táan kaʼach u juum u yaʼalaʼal tu kʼiiniloʼob (Lu 13:1-5). Teech xaneʼ kéen kʼaʼaytajnakecheʼ jeʼel u páajtal u meyajtech le baʼax ku juum u tsikbaltik le máakoʼob teʼ tuʼux kajaʼanechoʼ. Le kéen tsʼoʼokok a tʼaan tiʼ bukaʼaj tsʼoʼok u koʼojtal tuláakal baʼal, tiʼ junpʼéel nojoch loobil, tiʼ wa baʼax baʼatelil, tiʼ u drogarkuba le máakoʼob wa tiʼ uláakʼ baʼaloʼob beyoʼ jeʼel u páajtal a beetik junpʼéel kʼáatchiʼ ka u beet u tuukul u yuumil najeʼ. Maʼ xaaneʼ jeʼel u páajtal a kʼáatiktiʼ lelaʼ: «A tuklikeʼ, ¿yaan wa u kʼuchul u kʼiinil u xuʼulul le ...?». Wa maʼ xaaneʼ jeʼel u páajtal a kʼáatik: «¿Baʼax ta tʼaan unaj u beetaʼal utiaʼal u xuʼulul le …?». Tsʼoʼoleʼ xok junpʼéel teksto yaan yil yéetel le baʼax táan a tsikbaltikeʼexoʼ. Wa ka wilik taak u maas kaanbaleʼ eʼestiʼ junpʼéel video wa pʼattiʼ junpʼéel tiʼ le publicaciónoʼob yaantoʼon utiaʼal k-kaʼansajoʼ. Bey túunoʼ koʼoneʼex ilik k-kʼuchul tu puksiʼikʼal le máakoʼob le kéen k-tsikbalttiʼob «le maʼalob baʼaloʼob ku taal u kʼiinoʼ» (1Co 9:22, 23).

¿Bey tiʼ baʼaxoʼob jeʼel u taaktal u tsikbal le máakoʼob yanoʼob teʼ tuʼux ka kʼaʼaytajoʼ?