KUXLAKOʼON JEʼEX CRISTOEʼ
Maʼ a tuʼubsik bix u yilkech Jéeoba
«Jéeobaeʼ kiʼimak u yóol yoʼolal u kaajal» (Sl 149:4). Kex kʼebanoʼoneʼ Jéeobaeʼ ku yilik le jatsʼuts modos yaantoʼonoʼ bey xan le baʼaxoʼob ku páajtal k-beetkoʼ. Chéen baʼaleʼ yaan kʼiineʼ k-tuʼubsik bix u yilkoʼon. Maʼ xaaneʼ yoʼolal bix k-tratartaʼal tumen u maasil wa yoʼolal le baʼaloʼob maʼ maʼalobtak k-beetmaj úuchjeakiloʼ k-uʼuyik mix baʼal k-biilal yéetel maʼ t-náajmatik ka u yaabiltoʼon Jéeobaiʼ. ¿Baʼax jeʼel u yáantkoʼon wa bey k-uʼuyikbaoʼ?
Le Bibliaoʼ ku yaʼalikeʼ «maʼ jeʼex u yilik wa baʼax wíinikeʼ maʼ bey u yilik Diosiʼ» (1Sa 16:7). Lelaʼ u kʼáat u yaʼaleʼ Dioseʼ ku yilik tak le baʼaloʼob maʼ tu páajtal k-ilik toʼonoʼ. Kéen k-xok le Bibliaoʼ yaan k-tsʼáaik cuenta baʼax ku yilik Dios tiʼ toʼon. Kéen k-xok jujunpʼéel tiʼ le tsikbaliloʼob ku taaskoʼ yaan k-ilkeʼ Jéeobaeʼ jach u yaabiltmaj le máaxoʼob meyajtikoʼ.
-
¿Baʼax ku kaʼansiktoʼon yoʼolal Jéeoba u ejemplo le xiʼipal yéetel u papáoʼ?
-
Wa yaan máax lúub tiʼ junpʼéel nojoch kʼeban, pero táan u yilik u kaʼa biskuba yéetel Jéeobaeʼ, ¿bix jeʼel u convencertik u puksiʼikʼal maʼalob yanil tu táan Jéeobaeʼ? (1Jn 3:19, 20).
-
¿Baʼax utsil tu taasaj tiʼ le sukuʼun úuchik u xokik yéetel u tuukul tiʼ u kuxtal David yéetel Jeosafatoʼ?
