KUXLAKOʼON JEʼEX CRISTOEʼ

Preparartaba antes tiʼ u maas difíciltal le kuxtaloʼ

PAX ICH

Teʼ kʼiinoʼobaʼ jach difícil u kaxtik u kuxtal máak. Lelaʼ maʼ jelaʼan k-ilkiʼ tumen kuxaʼanoʼon tiʼ u tsʼook kʼiinoʼob. Tsʼoʼoleʼ le Bibliaoʼ ku yaʼalikeʼ ‹maʼ unaj k-kʼubik k-óol tiʼ le ayikʼaliloʼob ku xuʼululoʼoboʼ› (1Ti 6:17; 2Ti 3:1). U ejemplo rey Jeosafateʼ, ¿bix jeʼel u yáantkoʼon kéen pʼáatak maas difícil u kaxtik u kuxtal máak?

Jeosafateʼ confiarnaj tiʼ Jéeoba le ka bin baʼateltbil tumen u enemigoʼoboʼ (2Cr 20:9-12). Tsʼoʼoleʼ utiaʼal u kanáantik le kaajoʼ tu líiʼsaj najoʼob kaʼanal u pakʼiloʼob yéetel tu tsʼáaj soldadoʼobiʼ (2Cr 17:1, 2, 12, 13). Toʼon xaneʼ kʼaʼabéet k-confiar tiʼ Jéeoba yéetel k-preparartikba antes u yúuchul wa baʼax.

¿BIX JEʼEL K-PREPARARTIKBA ANTES TIʼ U MAAS DIFÍCILTAL LE KUXTALOʼ?

Muʼukʼaʼankúunt a fe tiʼ Jéeoba. Kiʼimakchajak a wóol yéetel le baʼaxoʼob yaantechoʼ, tsʼoʼoleʼ confiarnen tiʼ Jéeoba tumen letiʼeʼ sáamsamal ken u tsʼáa baʼax kʼaʼabéettech (Mt 6:26; 1Ti 6:8). Ilawil a beetik baʼax uts tu tʼaan Jéeoba kéen a chʼaʼtukult bix ken a kaxtil le baʼaxoʼob kʼaʼabéettechoʼ (Ro 2:21). Ilawil xan baʼax ken a beet wa ku pʼáatal minaʼan corriente wa Internet. Por ejemploeʼ, líiʼs jujunpʼéel publicaciónoʼob imprimirtaʼan wa descargart desde antes ta celular wa ta tablet.

Preparartaba yéetel le baʼaxoʼob kun kʼaʼabéettaltechoʼ. Wa yaan a pʼaaxeʼ ilawil a séeb boʼotik yéetel maʼ a sen manik baʼaloʼob maʼ kʼaʼabéettechiʼ (Pr 22:7). Wa ku páajtaleʼ ilawil a líiʼsik janal maʼ tu séeb caducar bey xan uláakʼ baʼaloʼob jeʼel u meyajtecheʼ. Yaan máaxeʼ ku pakʼik tu terreno baʼaloʼob utiaʼal jaantbil beyoʼ maʼ tu sen xuup.

CHAʼANT LE VIDEO ¿A LÍIʼSMABA WA UTIAʼAL KÉEN TÉEK ÚUCHUK WA BAʼAX?, TSʼOʼOLEʼ NÚUK LE KʼÁATCHIʼOBAʼ:

¿Bix jeʼel a prepararkaba antes tiʼ u téek úuchul wa baʼaxeʼ?

Núuke

¿Bix jeʼel a prepararkaba utiaʼal a wáantik u maasileʼ?

Núuke

U JUʼUNIL XOOK