Chíikaʼan u yilaʼal wa yaan juntúul maʼalob atantsil tiʼ máak. Tu kʼiinil rey Lemueleʼ, máax yaan juntúul maʼalob atantsil tiʼeʼ «sen kʼaj óolaʼan ichil le kaajoʼ» (Pr 31:23). Bejlaʼeʼ le máakoʼob beyaʼ ku tsʼaʼabal u beet u ancianoiloʼob wa u siervo ministerialiloʼob. Wa uts u modos u yatanoʼobeʼ jeʼel u yáantaʼaloʼob meyaj tubeel teʼ múuchʼuliloʼ (1Ti 3:4, 11). Juntúul maʼalob atantsileʼ ku yaabiltaʼal tumen u yíicham bey xan tumen le múuchʼuliloʼ.

• Ku líiʼsik u yóol u yíicham yéetel baʼax ku yaʼalik (Pr 31:26)

• Maʼatech u kʼuuxil ken u máans tiempo u yíicham teʼ múuchʼuliloʼ (1Te 2:7, 8)

• U yojel kuxtal chéen yéetel junpʼíit baʼaloʼob (1Ti 6:8)

• Maʼatech u kʼáatik tiʼ u yíicham baʼax maʼ unaj u yojéeltik yoʼolal le múuchʼuliloʼ (1Ti 2:11, 12; 1Pe 4:15)