5:5-7, 11

Tak le israelita maas óotsiloʼ jeʼel u páajtal u kʼubik kaʼach junpʼéel ofrenda utiaʼal u perdonartaʼal u kʼebanoʼobeʼ yéetel utiaʼal u biskuba maʼalob yéetel Dios. Chéen baʼaleʼ unaj u tsʼáaikoʼob le u maas maʼalobil yaantiʼoboʼ. Jeʼel u páajtal u kʼubkoʼob le maas «maʼalob harina» yaantiʼoboʼ, le ku meyaj chéen kéen yanak u yuʼulaboʼoboʼ (Gé 18:6). Bejlaʼeʼ Jéeobaeʼ jach ku kiʼimaktal u yóol kéen k-beet tuláakal le ku páajtal utiaʼal «k-tsʼáaik kʼaj óoltbil u kʼaabaʼ» kex yaan hora maʼ yaʼab ku páajtal k-beetkiʼ (Heb 13:15).

Le baʼax tsʼoʼok k-kanikaʼ, ¿bix u líiʼsik k-óol wa maʼ yaʼab baʼaloʼob ku páajtal k-beetik tumen kʼojaʼanoʼon wa tumen tsʼoʼok u chan antal k-jaʼabil?