Utiaʼal Jéeobaeʼ le oraciónoʼob ku beetik le máaxoʼob meyajtikoʼ beyoʼob jeʼex le kiʼibok incienso ku tóokaʼal kaʼach teʼ templooʼ (Sl 141:2). ¿Baʼaxten k-aʼalik leloʼ? Tumen le kéen orarnakoʼoneʼ k-tsʼáaik gracias tiʼ, k-aʼaliktiʼ k-yaabiltmaj, k-tsikbaltiktiʼ baʼax ku yúuchultoʼon, baʼax k-tsʼíiboltik yéetel k-kʼáatiktiʼ ka u yáantoʼon. Letiʼeʼ uts tu tʼaan k-beetik leloʼ tumen beyoʼ k-eʼesik kiʼimak k-óol ikil k-bisikba tu yéetel. Kex maʼatech u xáantal le oraciónoʼob ku beetaʼal teʼ muchʼtáambaloʼoboʼ utiaʼal Jéeobaeʼ táakaʼanoʼob ichil le adoración k-tsʼáaiktiʼoʼ. Chéen baʼaleʼ, ¡chéen tukult bukaʼaj u kiʼimaktal u yóol le kéen xáanchajak táan k-orar tiʼ t-juunal utiaʼal k-aʼaliktiʼ bix k-uʼuyikba! (Pr 15:8).

CHAʼANT LE VIDEO JACH KU YÁANTKEN LE ORACIÓNOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax privilegioiloʼob yanchaj tiʼ sukuʼun Johnson?

• ¿Tiʼ baʼax súutukiloʼob tu kʼáataj sukuʼun Johnson ka áantaʼak tumen Jéeoba?

• ¿Baʼax ku kaʼansiktech u experiencia sukuʼun Johnson?