Atalíaeʼ utiaʼal u gobernartik Judáeʼ tu yilaj u kíimsik tuláakal le máaxoʼob ku taaloʼob tiʼ u familia le reyoʼ (2Re 11:1; lfb pág. 128 párr. 1, 2; ilawil le cuadro «‹Yaan u xuʼulsaʼal tiʼ tuláakal u familia Acab› [2Re 9:8]»).

Jeosebaeʼ tu salvartaj Jeoás, juntúul tiʼ le máaxoʼob ku taaloʼob tiʼ u familia le reyoʼ (2Re 11:2, 3).

Jeoyadá, u maas nojchil le sacerdoteʼoboʼ, tu beetaj reyil Jeoás yéetel tu yaʼalaj ka kíimsaʼak Atalía, maʼ xaaneʼ le koʼolelaʼ letiʼe u tsʼook máax ku taal tiʼ u familia Acaboʼ (2Re 11:12-16; lfb pág. 128 párr. 3, 4).

TUKULTE: Le tsikbalaʼ, ¿bix u yeʼesik jaaj le baʼax ku yaʼalik Proverbios 11:21 yéetel Eclesiastés 8:12, 13?