¿Bix le amigoʼob ka kaxtikoʼoboʼ? Maʼ xaaneʼ ka waʼalikeʼ juntúul maʼalob amigoeʼ maʼ tu pʼatik máak, jach uts yéetel nojoch u yaabilaj. Jéeobaeʼ jach beyoʼ (Éx 34:6; Hch 14:17). Letiʼeʼ ku yuʼubik a oraciónoʼob yéetel ku yáantkech kéen kʼaʼabéetchajak (Sl 18:19, 35). Tsʼoʼoleʼ ku perdonarkech kéen a beet junpʼéel baʼal maʼ jach maʼalobiʼ (1Jn 1:9). ¡Jéeobaeʼ juntúul jach maʼalob amigo!

¿Bix jeʼel a maas biskaba tu yéeteleʼ? Utiaʼal leloʼ kʼaʼabéet a xokik le Bibliaoʼ yéetel a confiar tiʼ letiʼ (Sl 62:8; 142:2). Eʼestiʼ a yaabiltmaj u Hijo, ka tsʼáaik táanil u Reino yéetel ka tuukul tiʼ le baʼax u yaʼalmaj u beetkoʼ. Unaj xan a tsikbaltik tiʼ u maasil bix Jéeoba (Dt 32:3). Wa ka beetkaba u amigo Jéeobaeʼ letiʼeʼ mix bikʼin ken u pʼatech (Sl 73:25, 26, 28).

CHAʼANT LE VIDEO TÁANKELMEʼEX, «ILEʼEX BUKAʼAJ UTSIL JÉEOBA», TSʼOʼOLEʼ NÚUK LE KʼÁATCHIʼOBAʼ:

• ¿Baʼax unaj a beetik utiaʼal a wuʼuyik listoech utiaʼal a kʼubik a kuxtal tiʼ Jéeoba yéetel a wokjaʼ?

• Le sukuʼunoʼoboʼ, ¿bix jeʼel u yáantkechoʼob a maas meyajt Jéeobaeʼ?

• Le kʼaʼaytajoʼ, ¿bix jeʼel u yáantkech utiaʼal a maas biskaba yéetel Jéeobaeʼ?

• ¿Baʼax uláakʼ jatsʼuts meyajoʼob jeʼel u páajtal a beetik ichil u kaajal Jéeobaeʼ?

• ¿Máakalmáak tiʼ u modos Dios maas jatsʼuts a wilik?