Jesúseʼ tu tsikbaltaj «le baʼaloʼob maʼalobtak ken u beet u Reino Diosoʼ» yéetel tu yaʼalaj ka kʼáataʼak ka taalak le Reino jeʼeloʼ (Lu 4:43; Mt 6:9, 10). Tu mesil noviembreeʼ yaan k-ilik k-jach tsʼáaik ojéeltbil le baʼaloʼob maʼalobtak ken u beet le Reinooʼ (Mt 24:14). Le oʼolaleʼ maʼalob ka k-kʼex jujunpʼéel baʼaloʼob ichil k-kuxtal utiaʼal k-maas táakpajal teʼ kʼaʼaytaj kun beetbilaʼ. Le precursor auxiliaroʼoboʼ yaan u páajtal u kʼubkoʼob 30 wa 50 horaʼob.

Teʼ mes jeʼelaʼ ilawil a xokik junpʼéel teksto ku tʼaan tiʼ u Reino Dios tiʼ tuláakal le máax ku páajtaleʼ. Kéen a yéey baʼax teksto ken a xokeʼ chʼaʼ en cuenta bix u tuukul le máaxoʼob yanoʼob teʼ territoriooʼ. Wa yaan máax jatsʼuts u yilik le tekstooʼ pʼattiʼ le revista U Pʼíich Tulumil Kanan (utiaʼal kʼaʼaytaj) número 2, 2020. Ilawil a kaʼa tsikbal tu yéetel u maas séebaʼanil ku páajtal yéetel ilawil u káajal a xook tu yéetel, meyajnaktech junpʼéel publicación utiaʼal kaʼansaj. Maʼ kun xáantaleʼ u Reino Dioseʼ yaan u luʼsik le uláakʼ gobiernoʼoboʼ (Da 2:44; 1Co 15:24, 25). Le oʼolaleʼ unaj k-beetik tuláakal le ku páajtal utiaʼal k-eʼesik tiaʼanoʼon tu favor u Reino Jéeobaeʼ.