KUXLAKOʼON JEʼEX CRISTOEʼ
Maas maʼalobkíint a kaʼansaj: Invitart muchʼtáambal le máaxoʼob taak u kaanbaloʼoboʼ
BAʼAXTEN KʼAʼANAʼAN: Teʼ muchʼtáambaloʼoboʼ suuk k-kʼaay tiʼ Jéeoba yéetel k-alabartik (Sl 149:1). Ku kaʼansaʼaltoʼon xan k-beet baʼax u kʼáat Dios (Sl 143:10). Le j-xoknáaloʼob yéetel uláakʼ máakoʼob taak u kaanbaloʼoboʼ maas séeb u progresaroʼob ken joʼopʼok u muchʼkubaʼob t-éetel.
BIX JEʼEL A BEETKEʼ:
-
Invitartoʼob desde tu káajbal. Maʼ a páaʼtik u káajal u xookoʼob ta wéetel (Ap 22:17).
-
Tsoltiʼob bix le muchʼtáambaloʼoboʼ yéetel baʼax kun ilbil teʼ semanaoʼ. Maʼ xaaneʼ jeʼel u yáantkech le baʼaloʼobaʼ: invitación utiaʼal le muchʼtáambaloʼoboʼ, video ¿Bix le muchʼtáambaloʼob ku beetaʼal teʼ Najil Reinooʼ?, bey xan le xook 5 yéetel 7 tiʼ le folleto Baʼax u kʼáat Jéeobaoʼ.
-
Aʼaltiʼob jeʼel a wáantkoʼobeʼ. Maʼ xaaneʼ yaan máakeʼ kʼaʼabéet u bin chʼaʼabil wa kʼaʼabéet u yáantaʼal u yéey baʼax nookʼil jeʼel u páajtal u takikeʼ. Kulen tu yéeteloʼob, eʼestiʼob le publicacionoʼob ku xoʼokloʼ. Presentarttiʼob le sukuʼunoʼoboʼ.