KUXLAKOʼON JEʼEX CRISTOEʼ
Wa juntúul paal ku jóokʼol teʼ najoʼ
Wa juntúul paal le ku jookʼoloʼ unaj k-aʼaliktiʼ ka u tʼan u taataʼob, beyoʼ k-eʼesik respeto tiʼob (Pr 6:20). Wa le paal ku yaʼaliktoʼon ka ookkoʼon teʼ najoʼ maas maʼalob maʼ k-beetik. Wa teʼ súutuk maʼ tu páajtal k-atendertaʼal tumen u taataʼoboʼ jeʼel u páajtal k-suut tuláakʼ kʼiineʼ.
Kex le paal tsʼoʼok u chan táankelemtal wa u x-lóoʼbayantaloʼ, maas maʼalob ka k-aʼaltiʼ ka u tʼan u taataʼob. Wa le taatatsiloʼob maʼ tu páajtal u atenderkoʼonoʼoboʼ k-kʼáatiktiʼob wa jeʼel u páajtal k-pʼatik wa baʼax tiʼ u paaloʼob utiaʼal ka u xokoʼ. Wa ku yóotkoʼobeʼ jeʼel u páajtal k-pʼatik junpʼéel publicación tiʼ le paaloʼ wa k-eʼesiktiʼ bix jeʼel u yokol jw.org.
Ken suunakoʼon k-xíimbalt juntúul paal taak u maas kaanbaleʼ unaj k-aʼaliktiʼ k-kʼáat k-kʼaj óolt u taataʼob. Beyoʼ yaan u páajtal k-tsoliktiʼob baʼax oʼolal k-xíimbaltik le máakoʼoboʼ yéetel baʼax tsolnuʼukiloʼob ku tsʼáaik le Biblia utiaʼal le familiaoʼ (Sl 119:86, 138). Wa k-eʼesik respeto yéetel jatsʼuts modos tiʼ le taatatsiloʼoboʼ, yaan u nojbeʼenkúuntaʼal Dios yéetel yaan u tsʼáaik tuʼux k-kʼaʼaytaj tiʼ uláakʼ familiaʼob (1Pe 2:12).