KAʼANSAJNAKOʼON MAʼALOB | JEʼEL U MAAS KIʼIMAKTAL A WÓOL KÉEN KAʼANSAJNAKECHEʼ
Chaʼa u yáantkech le sukuʼunoʼoboʼ
Tiʼ Jéeobaeʼ ku meyaj le sukuʼunoʼob utiaʼal u yáantkoʼonoʼ (1Pe 5:9). Letiʼobeʼ ku yáantkoʼonoʼob kʼaʼaytaj kex maʼ chéen chʼaʼabiliʼ. Úuchjeakileʼ Áquila, Priscila, Silas yéetel Timoteoeʼ jach tu yáantoʼob apóstol Pablo (Hch 18:1-5).
¿Bix jeʼel u yáantkech le sukuʼunoʼoboʼ? Jeʼel u yáantkechoʼob kʼaʼaytaj tuʼux maʼ chéen chʼaʼabileʼ, a beet revisitaʼob yéetel a tsʼáaik xook tiʼ wa máax. Kʼáat áantaj tiʼ le sukuʼunoʼob ka tuklik jeʼel u yáantkechoʼ. Wa ka beetkeʼ yaan a múul áantkabaʼex yéetel yaan u líikʼil a wóoleʼex (Flp 1:25).
CHAʼANT LE VIDEO KIʼIMAK K-ÓOL K-KAʼANSIK U MAASIL. UNAJ K-CHAʼIK U YÁANTKOʼON JÉEOBA YÉETEL U YÁANTAJ LE SUKUʼUNOʼOBOʼ, TSʼOʼOLEʼ NÚUK LE KʼÁATCHIʼOBAʼ:
-
¿Baʼaxoʼob tu beetaj Rita ka káaj u invitartik Coral teʼ muchʼtáambaloʼoboʼ?
-
¿Baʼaxten unaj k-aʼalik tiʼ uláakʼ sukuʼunoʼob ka u láakʼintoʼon tsʼaa xook?
-
Utiaʼal ka káajak u meyajtaʼal Dios tumen juntúul máakeʼ tuláakal le múuchʼulil kʼaʼabéet u yáantajoʼ
¿Baʼax jatsʼuts u yilik Coral yéetel le kiik yaan u jaʼabiloʼ?
-
¿Baʼaxoʼob jeʼel a kanik tiʼ le sukuʼunoʼob láakʼintikech tsʼaa xookoʼ?
