Jeʼex juntúul máak mantatsʼ kʼaʼabéet u entrenar utiaʼal maʼ u perdertik u muukʼeʼ, toʼon xaneʼ utiaʼal k-chʼaʼik maʼalob decisiónoʼobeʼ mantatsʼ kʼaʼabéet k-ilik u yiijtal k-tuukul (Heb 5:14). Kex maas chéen chʼaʼabil u copiartik máak le baʼax ku beetik u maasiloʼ, maas maʼalob ka k-kaʼans tubeel k-conciencia utiaʼal k-chʼaʼik maʼalob decisiónoʼob. ¿Baʼaxten? Tumen cada juntúuleʼ yaan u kʼubik cuenta tiʼ Dios (Ro 14:12).

Maʼ unaj k-tuklik wa yaan k-chʼaʼik maʼalob decisiónoʼob chéen tumen úuch okjaʼanakoʼoniʼ. Kʼaʼajaktoʼoneʼ utiaʼal lelaʼ kʼaʼabéet k-jach confiar tiʼ Jéeoba, tiʼ u kaajal yéetel tiʼ le Bibliaoʼ (Jos 1:7, 8; Pr 3:5, 6; Mt 24:45).

CHAʼANT LE VIDEO «MAʼ U XUʼULUL U YANTALTEʼEX JUNPʼÉEL MAʼALOB CONCIENCIA», TSʼOʼOLEʼ NÚUK LE KʼÁATCHIʼOBAʼ:

• ¿Baʼax kʼaʼabéet u chʼaʼtuklik kaʼach Emma?

• ¿Baʼaxten maʼ unaj k-jáan aʼalik tiʼ u maasil baʼax unaj u beetkiʼ?

• ¿Baʼax tu yaʼalaj juntúul sukuʼun yéetel u yatan tiʼ Emma?

• ¿Tuʼux tu kaxtaj Emma le baʼax kʼaʼabéettiʼ utiaʼal u chʼaʼik junpʼéel maʼalob decisiónoʼ?