Tu mesil noviembreeʼ yaan k-tsʼáaik k-óol k-aʼal tiʼ tuláakal máak maʼ tun xáantal ken kuxlakoʼon teʼ túumben luʼumoʼ (Sl 37:10, 11; Ap 21:3-5). Le oʼolaleʼ maʼalob ka k-il bix jeʼel k-maas táakpajal teʼ kʼaʼaytaj kun beetbilaʼ. Le máaxoʼob ken u beet u precursor auxiliariloʼob teʼ mesoʼ yaan u páajtal u kʼubkoʼob 30 wa 50 horas.

Tiʼ le bukaʼaj máakoʼob kun páajtaleʼ ilawil a xokik junpʼéel teksto ku tʼaan tiʼ le túumben luʼumoʼ. Kéen a yéey baʼax tekstoil ken a xokeʼ chʼaʼ en cuenta bix u tuukul le máaxoʼob yanoʼob ta territoriooʼ. Wa yaan máax ka wilik taak u maas kaanbaleʼ tsʼáatiʼ le revista U Pʼíich Tulumil Kanan (utiaʼal kʼaʼaytaj) número 2, 2021. Ilawil a kaʼa tsikbal tu yéetel u maas séebaʼanil ku páajtal utiaʼal a káajsik junpʼéel xook, utiaʼal lelaʼ meyajnaktech le folleto Disfrutart le kuxtaloʼ. ¿Máasaʼ jach kiʼimak k-óol k-kʼaʼaytik ‹baʼaloʼob maʼalobtak› tiʼ le máakoʼoboʼ? (Isa 52:7).

CHAʼANT LE VIDEO JUNPʼÉEL JATSʼUTS KUXTAL, TSʼOʼOLEʼ NÚUK LE KʼÁATCHIʼOBAʼ:

• ¿Baʼax táan u máansik tu tuukul le chan x-chʼúupaloʼ?

• ¿Baʼaxoʼob ka tsʼíiboltik u béeychajal teʼ túumben luʼumoʼ?

• A tuukul tiʼ le túumben luʼumoʼ, ¿bix ken u yáantilech a tsʼáa a wóol teʼ kʼaʼaytaj kun beetbil noviembreoʼ? (Lu 6:45).