Le máaxoʼob tsʼokaʼan u beeloʼob ku chʼaʼikoʼob en cuenta Jéeobaoʼ kiʼimak u yóoloʼob (Mr 10:9). Wa u kʼáat máak ka xiʼik utsil tiʼeʼ kʼaʼabéet u chʼaʼik en cuenta le baʼax ku yaʼalik le Bibliaoʼ.

Juntúul máax jach táankelem wa jach x-lóoʼbayaneʼ maas maʼalob maʼ u jáan káajal u biskuba yéetel wa máax, tumen teʼ kʼiinoʼob jeʼeloʼ jach nojoch u tsʼíibolal. Yoʼolal leloʼ jeʼel u chan difíciltaltiʼ u yéeyik tubeel u núupeʼ (1Co 7:36). Mientras maʼ tsʼoʼokok a beeleʼ ilawil a maas biskaba yéetel Jéeoba bey xan u yantaltech jatsʼuts modos. Beyoʼ maas jeʼel a beetkaba juntúul maʼalob íichamtsil wa atantsileʼ.

Maʼ a apurarkaba, ilawil a kʼaj óoltik tubeel le máax yéetel taak u tsʼoʼokol a beeloʼ (1Pe 3:4). Wa yaan baʼax chiʼichnakkúuntikecheʼ múul tsikbalt tu yéetel. Maʼ u tuʼubultecheʼ máax ku tsʼoʼokol u beeleʼ maas unaj u yilik baʼax jeʼel u páajtal u tsʼáaikeʼ, maʼ baʼax jeʼel u páajtal u tsʼaʼabaltiʼeʼ (Flp 2:3, 4). Wa ka wilik a beetik baʼax ku yaʼalik le Biblia antes u tsʼoʼokol a beeloʼ maas chéen chʼaʼabil ken a beetil kéen yanak a núup. Bey túunoʼ yaan u yantalteʼex kiʼimak óolal.

CHAʼANT LE VIDEO LE TSʼOʼOKOL BEELOʼ (ÓOX JAATS): «TUKULT BUKAʼAJ KEN U TOJOLTE», TSʼOʼOLEʼ NÚUK LE KʼÁATCHIʼOBAʼ:

• ¿Bix binik u maas kʼaj óoltikuba le kiik yéetel Shaneoʼ?

• ¿Baʼax tu tsʼáaj cuenta le kiik ka tu maas kʼaj óoltaj Shaneoʼ?

• ¿Bix áantaʼabik le kiik tumen u taataʼoboʼ, yéetel baʼax tu chʼaʼtuklaj u beetik?