Teʼ tu tsʼook kʼiinoʼobaʼ maʼ chéen chʼaʼabil u kuxtal máakiʼ. Tsʼoʼoleʼ jeʼex u bin u maas náatsʼal le xuʼulsajiloʼ yaan u bin u maas yaatal le kuxtaloʼ. Maʼ xaaneʼ hasta yaan u bineltiktoʼon jujunpʼéel tiʼ le baʼaxoʼob kʼaʼabéettoʼonoʼ (Hab 3:16-18). ¿Baʼax jeʼel u yáantkoʼon kéen k-máans óotsilileʼ? Junpuliʼ maʼ unaj k-tuʼubsikeʼ Jéeobaeʼ jeʼel u yáantkoʼoneʼ. Letiʼeʼ ku prometertik u yáantik u amigoʼob yéetel jeʼel u páajtal u tsʼáaiktiʼob le baʼax kʼaʼabéettiʼob jeʼel baʼaxak súutukiloʼ (Sl 37:18, 19; Heb 13:5, 6).

¿Baʼax jeʼel u páajtal a beetkeʼ?

• Kʼáat óolt tiʼ Jéeoba ka u nuʼuktech, ka u tsʼáatech naʼat yéetel ka u yáantech (Sl 62:8).

• Beet tak le meyajoʼob mix juntéen a beetoʼ (g-S 1/10 pág. 8, 9, cuadroʼob).

• Maʼ a tsʼáaik juntséelil le baʼaxoʼob maas kʼaʼanaʼantak jeʼex a xokik le Biblia sáamsamaloʼ, a bin muchʼtáambal yéetel a kʼaʼaytaj.

CHAʼANT LE VIDEO BEET JUNPʼÉEL NAJ MIX BIKʼIN KUN KʼASTAL: ‹KIʼIMAKCHAJAK A WÓOL YÉETEL LE BAʼAXOʼOB YAANTECHOʼ›, TSʼOʼOLEʼ NÚUK LE KʼÁATCHIʼOBAʼ:

• ¿Baʼax tu aktáantaj le familiaʼoboʼ?

• ¿Baʼax maas kʼaʼanaʼan ichil u kuxtal máak?

• ¿Bix jeʼel u páajtal k-áantik le máaxoʼob ku máanskoʼob óotsililoʼ?