Junpʼéel bix jeʼel a wáantkeʼex a paalal utiaʼal u yantal u naʼatoʼobeʼ letiʼe ka a kaʼanseʼextiʼob u jóoʼsoʼob u yutsil le reuniónoʼoboʼ. Le baʼax ku yilkoʼob teʼ reuniónoʼ, le baʼax ku yuʼubikoʼoboʼ yéetel le baʼax ku comentartaʼaloʼ jeʼel u yáantkoʼob maas kaanbal tiʼ Jéeoba yéetel u maas natsʼubaʼob tiʼeʼ (Dt 31:​12, 13). ¿Bix túun jeʼel a wáantkoʼobeʼ?

• Beeteʼex tuláakal le ku páajtal utiaʼal a bineʼex reunión teʼ Salónoʼ (Sl 22:22).

• Ilawileʼex ka tsikbalnakoʼob yéetel le sukuʼunoʼob antes u káajal le reuniónoʼ bey xan kéen tsʼoʼokok (Heb 10:25).

• Ilawileʼex ka yanaktiʼob le publicaciónoʼob táan u xakʼaltaʼal teʼ reuniónoʼ, le digitaloʼ wa le imprimirtaʼanoʼ.

• Áanteʼexoʼob utiaʼal u comentaroʼob sin ke u xokikoʼob le párrafooʼ (Mt 21:​15, 16).

• Maʼ a tʼaaneʼex kʼaas tiʼ le reuniónoʼoboʼ mix tiʼ le baʼaloʼob ku kaʼansaʼaloʼ.

• Áanteʼexoʼob utiaʼal ka táakpajkoʼob teʼ limpieza ku beetaʼal teʼ Salónoʼ bey xan utiaʼal ka tsikbalnakoʼob yéetel le sukuʼunoʼob yaan u jaʼabiloʼoboʼ.

Taatatsileʼex, maʼ xaaneʼ jeʼel a chiʼichnaktaleʼex le kéen a wileʼex bukaʼaj baʼaloʼob kʼaʼabéet a beetkeʼex utiaʼal a wáantkeʼex a paalal u natsʼubaʼob tiʼ Jéeobaeʼ. Pero kʼaʼajseʼexeʼ maʼ chéen ta juunal yanileʼexiʼ, Jéeoba kun áantkeʼex (Isa 40:29).

CHAʼANT LE VIDEO TAATATSILEʼEX, JÉEOBAEʼ YAAN U YÁANTKEʼEX, TSʼOʼOLEʼ NÚUK LE KʼÁATCHIʼOBAʼ:

• ¿Baʼax káaj u yúuchul tiʼ Miguel yéetel Lidia tumen jach kaʼanaʼanoʼob?

  U núukil

• Le taatatsiloʼoboʼ, ¿baʼaxten kʼaʼabéet u kʼáatkoʼob u yáantaj Jéeoba?

  U núukil

• ¿Baʼax tu beetaj Miguel yéetel Lidia utiaʼal u kaʼa biskubaʼob yéetel Jéeoba jeʼex kaʼacheʼ?

  U núukil