ACOMODADOROʼOB. Le acomodadoroʼoboʼ tsʼaʼanoʼob utiaʼal u yáantkechoʼob. Ilawil a beetik le baʼaxoʼob ku yaʼalikoʼob yaan yil yéetel estacionamiento, tuʼux unaj u bin máak, le sillaʼob ku junpáaykuntaʼaloʼoboʼ yéetel uláakʼ baʼaloʼob unaj u beetik máak.

OKJAʼ. Tu jaʼatskab kʼiinil sábadoeʼ, le máaxoʼob kun okjaʼoboʼ táanil tiʼ u káajal le discursooʼ unaj u kutaloʼob teʼ sillaʼob tsʼaʼan aktáan tiʼ le plataformaoʼ. Tuláakloʼob unaj u taaskoʼob u toallaʼob yéetel junpʼéel nookʼ kʼambeʼen utiaʼal le okjaʼoʼ.

SIIBALOʼOB. Teʼ asambleaaʼ yaʼab xuup tsʼoʼok u beetaʼal utiaʼal u yantal sillaʼob, u yuʼubaʼal maʼalob le discursoʼoboʼ yéetel u chaʼantaʼal le videoʼoboʼ. Lelaʼ tsʼaʼan utiaʼal ka k-jóoʼs u yutsil le asambleaaʼ yéetel ka maas náatsʼkoʼon tiʼ Jéeoba. A siibaleʼexeʼ ku yáantaj utiaʼal u boʼotaʼal tuláakal le baʼaxoʼob kʼaʼabéet teʼ asambleaaʼ yéetel utiaʼal u seguer u maas tsikbaltaʼal u Tʼaan Dios. Wa taak a tsʼáaik a siibaleʼexeʼ yaan cajaʼob tsʼaʼan utiaʼal leloʼ yéetel jeʼel u páajtal xan a tsʼáaikeʼex teʼ donate.pr418.com. Jach diosboʼotik teʼex yoʼolal a siibaleʼex. Le Cuerpo Gobernanteoʼ ku tsʼáaikteʼex u diosboʼotikil ikil a wáantajeʼex utiaʼal u maas tsʼaʼabal kʼaj óoltbil le Reinooʼ.

ÁANTAJ UTIAʼAL LE KU YÚUCHUL LOOB TIʼOBOʼ. Maʼ u tuʼubultecheʼ le departamentoaʼ chéen utiaʼal le máaxoʼob jach kʼaʼabéet áantajtiʼoboʼ.

BAʼALOʼOB KU SAʼATLOʼOB. Teʼ departamento unaj a bisik le baʼaxoʼob ka kaxtikoʼ. Wa yaan baʼax saʼattecheʼ, xeen a wil wa tiʼ yaniʼ. Wa yaan mejen paalaloʼob saatloʼob teʼ asambleaoʼ jeʼel u páajtal u bisaʼaloʼob teʼ departamentoaʼ. Baʼaleʼ k-aʼalikteʼexeʼ maʼ utiaʼal u kanáantaʼal mejen paalaloʼobiʼ. Kanáant a paalal yéetel maʼ a chaʼik u náachtaloʼob tiʼ teech

SILLAʼOB. Unaj a chʼaʼik en cuentail u maasil. Kʼaʼajaktecheʼ chéen jeʼel u páajtal a junpáaykuntik sillaʼob utiaʼal le máaxoʼob yanoʼob ichil a familiaoʼ, le máaxoʼob ku binoʼob ta wéetel teʼ cocheoʼ wa utiaʼal a j-xoknáaloʼob. Ilawil maʼ a pʼatik mix baʼal yóokʼol le uláakʼ sillaʼoboʼ tumen beyoʼ jeʼel u páajtal u kutal uláakʼ sukuʼunoʼobeʼ.

MÁAXOʼOB TAAK U YÁANTAJOʼOB. Wa taak a wáantaj yéetel le jejeláas meyajoʼob ku beetaʼal teʼ asambleaaʼ, jeʼel u páajtal a bin teʼ departamentoaʼ.