10 Xookil

 Bix jeʼel a wilik máakalmáak le religión kaʼansik u jaajiloʼ

Wa a kʼáat a beetaba u amigo Dioseʼ kʼaʼabéet a wantal teʼ religión ku kaʼansik u jaajiloʼ. Jesuseʼ tu yaʼaleʼ «le máaxoʼob jach tu jaajil u yóoloʼob» ku adorarkoʼob Diosoʼ yaan u beetkoʼob jeʼex utstutʼaan letiʼeʼ (Juan 4:23, 24). Jéeobaeʼ chéen upʼéel bix u kʼáat ka adorartaʼak (Efesoiloʼob 4:4-6). Le religión ku kaʼansik u jaajiloʼ ku yáantik máak utiaʼal ka yanak kuxtal minaʼan u xuul tiʼ, baʼaleʼ le religionoʼob maʼatech u kaʼanskoʼob u jaajiloʼ ku biskoʼob máak tiʼ kíimil (Mateo 7:13, 14).

Utiaʼal a wilik máakalmáak le religión ku kaʼansik u jaajiloʼ jeʼel u páajtal a wilik bix u kuxtal le máaxoʼob yanoʼob ichiloʼ. Jéeobaeʼ jach uts, le oʼolaleʼ le máaxoʼob meyajtikoʼ unaj xan u yeʼeskoʼob utsil. Jeʼex ukúul maʼalob china ku tsʼáaik maʼalob ichoʼobeʼ, le religión ku kaʼansik u jaajiloʼ ku yáantik le máakoʼob utiaʼal ka u yeʼesoʼob jatsʼuts modosoʼ (Mateo 7:15-20).

U amigoʼob Dioseʼ ku beetkoʼob baʼax ku yaʼalik le Bibliaoʼ. Letiʼobeʼ u yojloʼobeʼ tiʼ Dios u taal le Bibliaoʼ. Le beetik ku nuʼuktikubaʼob yéetel le baʼax ku yaʼalik utiaʼal u yutskíintkoʼob le talamiloʼob ku yantaltiʼoboʼ bey xan utiaʼal u maas kʼaj óoltkoʼob Dios (2 Timoteo 3:16). Ku yilkoʼob xan u beetkoʼob le baʼax ku kaʼanskoʼoboʼ.

 U amigoʼob Dioseʼ u yaabiltmubaʼob. Tumen u yaabiltmaj le máakoʼoboʼ, Jesuseʼ tu kaʼansoʼob yéetel tu tsʼakaj le kʼojaʼanoʼoboʼ. Le máaxoʼob yanoʼob ichil le religión ku kaʼansik u jaajiloʼ u yaabiltmubaʼob xan. Jeʼex Jesuseʼ maʼatech u pʼektikoʼob le máaxoʼob óotsiloʼoboʼ mix le máaxoʼob yaanal u razaʼoboʼ. Jesuseʼ tu yaʼaleʼ le máakoʼoboʼ yaan u yilkoʼob jach máaxoʼob u disipuloʼob yoʼolal le yaabilaj kun antal ichiloʼoboʼ (Juan 13:35).

U amigoʼob Dioseʼ ku chʼaʼachiʼitikoʼob u kʼaabaʼ: Jéeoba. Wa yaan máax maʼ tu yaʼalik k-kʼaabaʼ ken u tʼanoʼoneʼ, ¿jeʼel wa u páajtal k-aʼalik jach tu jaajil k-amigoeʼ? ¿Máasaʼ maʼ? Le beetik utúul k-amigoeʼ k-tʼanik tu kʼaabaʼ yéetel k-tʼaan maʼalob tu yoʼolal. Le oʼolaleʼ le máax u kʼáat u beetuba u amigo Dioseʼ unaj u chʼaʼachiʼitik u kʼaabaʼ yéetel unaj u tʼaan maʼalob tiʼ letiʼ. Jéeobaeʼ bey u kʼáat ka k-beetoʼ (Mateo 6:9; Romailoʼob 10:13, 14).

U amigoʼob Dioseʼ ku tʼaanoʼob tiʼ le Reino jeʼex úuchik u beetik Jesusoʼ. Le Reinooʼ letiʼe u gobierno Dios yaan teʼ kaʼan ken u sut paraísoi le Luʼumaʼ. U amigoʼob Dioseʼ ku tsikbaltikoʼob tiʼ uláakʼ máakoʼob le baʼaloʼob jatsʼutstak ken u beet u Reinooʼ (Mateo 24:14).

U j-jaajkunajoʼob Jéeobaeʼ ku yilik u beetkubaʼob u amigoʼob Dios. Ku paklan yaabiltkubaʼob yéetel ku beetkoʼob baʼax ku yaʼalik le Bibliaoʼ. Ku chʼaʼachiʼitkoʼob u kʼaabaʼ Dios, ku yeʼeskoʼob tsiikil tiʼ yéetel ku tsikbaltikoʼob tiʼ uláakʼ máakoʼob baʼax ken u beet le Reinooʼ. U j-jaajkunajoʼob Jéeobaeʼ tiaʼanoʼob ichil le religión ku kaʼansik u jaajiloʼ.