¿Máaxoʼob u amigoʼob Dios?
9 Xookil
¿Máaxoʼob u amigoʼob Dios?
Jesucristoeʼ u Hijo Jéeoba, u amigo yéetel jach u yaabilmaj. Táanil tiʼ u taal way Luʼumeʼ, Jesuseʼ tiʼ kajaʼan kaʼach teʼ kaʼan bey utúul angeloʼ (Juan 17:5). Ka taal way Luʼumeʼ tu kaʼansaj tiʼ le máakoʼob u jaajil yoʼolal Diosoʼ (Juan 18:37). Tsʼoʼoleʼ, tu kʼubaj u kuxtal utiaʼal u salvartik tiʼ le kʼeban yéetel tiʼ le kíimil le máaxoʼob beetik baʼax ku yaʼalik Diosoʼ (Romailoʼob 6:23). Bejlaʼeʼ Jesuseʼ u Reyil le Reinooʼ yéetel yaan u sutik Paraísoi le Luʼumaʼ (Apocalipsis 19:16).
Le angeloʼoboʼ u amigoʼob xan Dios. Le angeloʼoboʼ maʼ wíinikoʼob kíimoʼob ka binoʼob teʼ kaʼanoʼ, letiʼobeʼ beetaʼaboʼob tumen Dios táanil tiʼ u beetik le Luʼumaʼ (Job 38:4-7). Yaan u millonesi angeloʼob (Daniel 7:10). Letiʼobeʼ u kʼáatoʼob ka kaambalnak le máakoʼob tiʼ Diosoʼ (Apocalipsis 14:6, 7).
Dioseʼ yaan u amigoʼob way Luʼumeʼ; letiʼeʼ ku yaʼalikeʼ, u j-jaajkunajoʼob. Utúul j-jaajkunaj wa testigoeʼ, ku yaʼalik tu táan utúul juez baʼax u yojel tiʼ wa máax. U j-jaajkunajoʼob Jéeobaeʼ (testigos de Jehová) ku tsikbaltikoʼob tiʼ uláakʼ máakoʼob le baʼaloʼob jatsʼutstak ken u beet Jéeoba maʼ kun xáantaloʼ (Isaías 43:10). Jeʼex le angeloʼoboʼ, u j-jaajkunajoʼob Jéeobaeʼ u kʼáatoʼob u yáantechoʼob a kan u jaajil tiʼ Jéeoba. U kʼáatoʼob xan ka a beetaba u amigo Dios.
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Baʼaxten kíim Jesús?
Le Bibliaoʼ ku yeʼesikeʼ u kuxtal Jesús tu kʼuboʼ junpʼéel baʼal jach kʼaʼanaʼan. ¿Yaan wa utsil ku taasik?
LE MÁAX KU KANANOʼ
¿Jeʼel wa u yáantkoʼon le angeloʼoboʼ?
¿Unaj wa k-orar tiʼ le angeloʼob utiaʼal u yáantkoʼonoʼoboʼ?
